Covalima (RCCT) 26-08-25-Konferensia Munisipal Konsellu Kombatente Libertasaun Nasional Munisipiu Covalima, Francisco Doutel Sarmento (LAMESAK) Eleitu nudar Prezidente ba Veteranu sira iha Covalima ba mandantu 2026-2030.
Nune’e Francisco Doutel Sarmento (LAMESAK) atual assume pozisaun Komisariu Konsellu Kombatente Libertasaun Nasional, ne’ebé reprezenta veteranu Covalima iha Nasional ne’e dehan maske eleitu ona nudar prezidente Konsellu veteranu Munisipiu Covalima, maibe nia sei la husik liu let nia k’nar no responsavelidade nudar komisariu hodi halo re ajustamentu ba dadus veteranu 2003 no 2009 to’o nia mandatu remata iha dezembru 2025 hafoin sei ativu hodi toma responsavelidade nudar prezendente konsellu veteran covalima hahu iha fulan janeiru 2026.
“Fulan outubru ne’e komesa ami halo verifikasaun ba 2003 ho 2009 nian tanba sira balu maka halo kontesta sasaun no reklamasaun. Ha’u sei mantein nafatin ha’u nia servisu to’o dezembru hotu maka janeiru foin ha’u prezidente munisipiu ne’ebé” LAMESAK dehan lia ne’e hafoin eleitu nudar perzidente konsellu veteranu Munisipiu Covalima ba mandate 2026-2030.
Prezidente Konsellu Kombatente Libertasaun Nasional (CCLN-Sigla Portugues) Vidal de Jesus “RIAK LEMAN” ba Prezeindete Eleitu ho ninia estrutura atu hala’o servisu ho di’ak hodi sai ezemplu ba veteranu no veteran sira hotu iha Munisipiu Covalima no mos Nasional.
“Konferensia loron rua, primeiru dia hili represzentante husi Munisipiu ba Nasional, segundu dia hili estrutura Munisipal. Rekomendasaun ba estrutura sira ne’ebé eleitu aban bainrua tenki servisu, buat hotu hotu tenke servisu iha kantor ne’eba, ita hatudu ezemplu ba veteranu sira” RIAK LEMAN dehan.
Entretantu konfrensista hamutuk 353 Aprezenta pakote hat hodi kompente ba eleisaun iha ne’eba; Pakoke Francisco Doutel Sarmento (Prezidente), ho membru Fonciano Barreto, Jacob Alves, Raimundo Gusmão no Almerio Guterres, hetan vitoria ho votus 212 hodi lidera konsellu veteranu Covalima ba Mandatu 2026-2030.
Manuel Barboja Pina “Mameran” (Prezidente), mai ho nia pakote Vitorino do Carmo ( Membru), Francisco Cardoso, Antonio dos Santos no Luis Amaral iha ne’ebé hetan votu 57 iha prosesu eleisaun.
Osorio Soares Mausoko hamotuk ho nia pakote Joaquim Barros, Marçelo de Jesus, Lourenço da Cruz no Francisco Noronha hetan votu 32.
Pakote Martino Amaral (Prezidente) ho membru Manuel Freitas, Agapito do Rego, Carlos da Cruz Maia no Celestino Amaral hetan votu 30. Engkuantu iha prosesu eleisaun ne’e hetan votus nulu hamotuk 20 no laiha votus branku
Jornalista :Gabriel Amaral da siva
Editor :Chamot Nahac
