Covalima ( RCCT ) 14-03-21-Margareta Hoar Tinan 48 hamotuk ho ninia oan na’in 5 hela iha Suco Kamenasa, Aldeia Ailok laran, Bairo Has kaduak/Ladi durante ne’e infreta problama susar atu hetan aihan tanba laiha rai atu halo to’os no mos uma atu hamahon aan ba tanba ne’e mak dadaun ne’e Inan faluk Margareta hela tuir deit vizinho Inan faluk Eduarda dos Reis “66” nebe fo fatin ba Margareta Hoar no nia oan nain lima hodi hela.
Inan faluk Margareta Hoar Konfesa ba RCCT dehan depois ninia la’en husik hela nia ho sira nia oan nain 5 feto 3 mane nain 2, infrenta problema ho susar atu hetan ai han no laiha hela fatin nebe sira atu hela ba.
“Ha’u nia rai no uma laiha atu hela ba no familia rasik deit la iha atu hare ami, ami susar tebes atu hela ho se no atu hetan hahan iha nebe, ami la iha rai rasik atu halo to’os” Margareta Konta.
Inan faluk ne’e hateten durante ne’e nia seidauk hetan osan husi governo konaba familia mukit ka Kbit laek, no mos inan Faluk Margareta mos la hetan oportunidade hodi Simu Apoio Aihan Sesta Basika nebe mak Gorveno fahe liu ona.
“Tanba ami dokumentu la iha ne’e mak foin lalais ami la hetan aihan sesta bazika tamba dokumentus la iha ema la fo ami.” Temi Inan Faluk Margareta ba RCCT Dominggo (14-03-21)
Iha Fatin hanesan Inan Faluk Eduarda dos Reis Nunes nebe durante ne’e fo mahon ba ninia feto Maluk Margareta ho ninia oan nain 5 hateten ho laran luan nia la husu selu ba nia feto faluk maluk nebe infrenta problema ho aihan liliu kona ba hela fatin maske nia uma nebe sira hela kiik ka fatin klot atu ba membru familia nain 12 kona hamotuk familia rua ne’e.
“Ha’u mos feto faluk ida, mesmo ha’u nia katuas oan mate ona, bainhira sira husu ajuda husi ha’u atu hela ho ha’u, hau simu sira ho liman rua tan ne’e ami hela hamtuk to’o agora, durante ne’e ami hasoru difikuldade hanesan menus ai han, maibe barak ka uitoan ami han hamutuk, iha loron rua liu ba ami nia fos la iha atu han maibe ami buka batar iha to’os laran hodi han durante loron rua nia laran ” Eduarda haktuir iha ninia rejidensia Ladi Domingo (14-03-21).
Entertantu tuir observasaun Jornalista RCCT nota katak durante tinan rua ona inan faluk nain rua hela hamutuk ho nia oan no bei oan sira iha uma ida nia laran hamutuk ema nain sanulu resin rua iha uma ida nia laran, no mos inan faluk na’in rua husu ba Governo atu bele tau matan ba sira moris susar nebe durante ne’e sira Infrenta.
Jornalista : Saturnino Soares
Editor : Chamot Nahac
