Covalima ( RCCT )-25 -02-21- Grupu Joventude Agrikultur hakiak pateka iha Suku Maudemu infrenta Problema ho pateka fuan dook hotu tanba labele ba faan iha merkaduria iha Suai no Dili, relasiona governu aplika serka sanitaria ba Municipio Covalima.
Relasiona paketa nebe koillata hotu ona maibe labele ba faan iha merkadu iha Suai no Mos lori ba faan iha merdu sira iha Dili, Xefe do Grupo Juventude halo pateká iha Suco Maudemo Jose Antonio Maia hateten Ba iha tinan ne’e Grupo hetan ezultadu di’ak, maibe pateka nebe koilleta sai at ka dodok, tanba Serka Sanitaria polisia bandu labele halo movimentu hodi faan iha Merkadu iha Dili.
“ami nia grupu halo ona koeleta Patéka atu lori ba Dili, maibe ami la konsege lori ba Dili tamba siguransa sira taka dalan iha Zumalai, ami atu lori ba fa’an iha Merkadu Suai mos labele tanba siguransa sira taka dalan iha Ponte Tafara,” dehan Xefe Grupo Juventude Agrikultur Suco Maudemo Jose Antonio Maia, ba RCCT, Quinta Feira (25-02-21).
Xefe Grupo Jose Antonio dehan Tinan ida ne’e nia ho Grupo labele hetan rendimentu husi pateka nebe sira kuda, tanba depois de koilleta nia grupo labele lori ba faan iha merkadu, kompara ho tinan kotuk Jose Antonio ho nia grupo hetan osan husi pateka hamotuk dolares $ 2.000.
“iha tinan uluk ami fa’an pateka, lori ba iha Dili ema sosa, nebe ami hetan osan hamutuk $ 2.000 resin, maibe ba tinan ida ne’e, ba etapa primeiru ami senti lakon bo’ot ho ami nia produ ne’e tamba la konsege fa’an, nune halo halo pateka dodok sai hotu tamba Governu Aplika serka sanitaria Iha Covalima.” Tenik Jose.
Enkuantu Xefe Grupo ne’e afirma sira nia grupo laran iha membro na’in 8 hodi halo Pateka, nebe hahu ho osan hamotuk dolares amerikanu $ 350, nebe mak uja hodi sosa fini no mos adubus. No servisu hodi hakia pateka ne’e tempo durante fualn rua resin, maibe tempo no energia ne’e sira gasta ba etapa ida ne’e laiha folin.
Jornalista : Saturnino Soares & Engky Amaral
Editor : Chamot Nahac.
#Hamutuk_Ita_Luta_Kontra_COVID-19:#Uja_Maskara#Fase_Liman_Beibeik_Ho_Sabaun #Halo_Distansia_Fisiku.
