Covalima (RCCT) 12-06-25-Estudante hamotuk 109 iha Eskola Baziku Filial (EBF) Foholulik, Postu Administrativu Tilomoar la simu materia durante semana ida tanba Kordenadora tuir formasaun iha Suai.
Kordenadora eskola Ricardina de Jesus, hatete EBF Foholulik iha deit profesor rejime jeral na’in ida iklui nia rasik nudar koordenadora, hamotuk ema na’in rua mak durante fo aula aprendijazem ba estudante sira.
“Agora ha’u tuir formasaun durante semana ida husi Segunda to’o sabadu hanoin katak labarik sira abandona duni tanba iha ne’eba ha’u nia profesor ida rejimi jeral mak hare hela iha ne’eba, maibe ha’u hanoin iha ne’eba nia labele atu tama husi primeiru ano to’o sestu ano, ne’e labele kuasai hotu iha ne’eba. Tanba ho merenda ne’ebé sira nafatin ba eskola maibe sira halimar deit, sira la simu disiplina husi profesor sira durante semana ida” Kordenadora EBF Foholulik Ricardina de Jesus, esplika.
Tan ne’e Koordenadora EBF Foho Lulik, Recardina de Jesus husu ba Ministeriu Edukasaun atu hare ho seriu hodi toma medida imediata ba problema menus profesor ne’ebé EFB Foho Lulik Infrenta. Basa Profesor rejime na’in ida no Koodenador na’in la sufisiente atu hanorin estudante hamotuk ema na’in 109.
Jornalista : Alfredo Barreto
Editor : Chamot Nahac
