Covalima (RCCT) 02-27-25-Diretór Servisu Munisipal Obras Publika no Transporte (SMOPT) Munisipiu Covalima, Sidonio Gusmão, hatete estrada Harekaein Postu Administrativu ligasaun Kasa Ainaro, tama kategoria estrada nasional ne’ebé Ministeriu Obras Publika mak sei halo planu ba prosesu tomak liga ba konstrusaun dalan ne’e.
Sidonio afirma, posibilidade tinan ne’e Ministeriu Obras Publika sei hahu halo levantamentu teknika ba konstrusaun estrada Harekain Zumalai ligasaun Kasa Ainaro.
“Ha’u hanoin estrada ligasaun Zumalai ba Kasa ne’e kategoria estrada nasional, ne’ebé Ministru Obras Publiku rasik mos iha momentu halo lansamentu Ponte Mali Loek iha Aldeia Sanfuk, Suku Kamenasa afirma iha ne’e katak estrada ne’e mos tau ona prioridade no posibilidade tinan ne’e bele hahu ona ho levantamentu tekniku nian ba tinan ne’e” Diretór Servisu Munisipal Obras Publika no Transporte (SMOPT) Munisipiu Covalima, Sidonio Gusmão. informa (26/02) iha resintu Adminstrasaun Munisipiu Covalima.
Diretór Servisu Munisipal Obras Publika no Transporte (SMOPT) Munisipiu Covalima, Sidonio Gusmão fundamenta katak governu preve ona osan atu halo konstrusaun estrada Hareakain, Zumalai liga ba Kasa, Ainaro.
“Depende ba Ministru Obras Publiku nia deklarasaun katak orsamentu iha ona, ita fiar katak tinan ne’e bele hahu ona prosesu hodi bele implementa, mais ha’u labele termina klaru tanba ne’e la’os desizaun ha’u nian, maibe ne’e desizaun Ministru Obras Publiku, ne’ebé ita hein deit” nia dehan.
Estrada diresaun Harekain, Zumalai hanesan estrada asesu nasional ne’ebé durante ne’e komunidade sira utiliza hodi halo movimetasaun husi Munisipiu Covalima ba Ainaro, Manufahi, Aileu no Dili.
Jornalista : Julio Salinas
Editor : Chamot Nahac
