Covalima (RCCT) 13-08-25-Konservasaun Internasional Sosializa ba Komunidade Covalima konaba implementasaun projetu jestaun basias idrografika transfronteira entre timor leste no indonezia ne’ebé sei hala’o iha Covalima no Bobonaro ho Malaka no Belu NTT Indonezia.
Tuir Xefe Teknikal Konservasaun Internasional, Natalino Sabo Martins dehan, projetu ne’e implementa ho komponente fundamental ida ne’ebé foka ba komprensaun dinamika ambiental no sosiu-ekonomiku no hari kapasidade husi parte interesada lokal no hamosu enkuadramentu Jestaun Ambiental no Sosial.
“Objetivu ita mai halo sosializasaun komunidade ne’e, atu halo introduz projetu ne’e ba iha komunidade sira para atu bele hatene saida mak projetu ne’e sei halo iha Covalima liu-liu ba iha mota masin nian no projetu ne’e hetan suporta husi Global Enviroment Facility. Projetu ne’e nia durasaun ne’e tinan lima, foka liu ba iha mota rua mota, talaun Loes ho Mota Masin.” Xefe Teknikal Konservasaun Internasional, Natalino Sabo Martins dehan.
Projetu idrografika transfronteira ne’e sei implenta husi Konservasaun Internasional ne’ebé halo parseiru ho Ministeriu Agrikultura Peskas, Pekuaria no Floresta (MAPPF) no mos Universidade Nasional Timor Lorosa’e (UNTL) no mos parseiru sira husi nasaun Indonezia.
SBT 2
Projetu ida ne’e implementa husi konservasaun internasional ne’ebé parseira ho Ministeriu Agrikultura no UNTL no iha Indonesia ita servisu hamutuk ho organizasaun lokal ida no Nasional ida ne’ebé servisu hamutuk ho Kementerian Linkungan hidup no no suporta husi Undana Kupang” Tenik Natalino.
Konservasaun Internasional hetan apoiu husi Global Environments Facility hodi implementa projetu idrografika transfronteira iha Munisipiu Covalima no Bobonaro, Timor Leste no mos iha Malaka no Belu NTT Indonesia ho durasaun durante tinan lima,
Reportazen RCCT
