Covalima (RCCT) 17-04-23, Responsavel Kmanek Oan Rai Klaran (KORKA) Munisipiu Covalima, Justinho Guterres Maia, hatete relasiona ho konfrontu foin lalais iha Raifila, Zumalai, Munisipiu Covalima entre joven balu ho ho membru organizasaun KORKA hodi rezulta komunidade nia uma kios ida kalen tahan 5 ka 6 hetan estragus kuak, tan ne’e Organizasaun KORKA prontu atu rekopera hafoin konkordansia ho uma na’in.
“Iha momentu ne’eba akontese iha dia 10 fulan ne’e, iha loron 11 hau fila fali husi Ainaru mai hodi foti hau nia deklarasaun ba iha autoridade seguransa Postu Administrativu Zumalai, fo tiha hotu hau fila fali ba ko’alia ho familia sira ne’e prontu, hau ko’alia duni familia kios na’in ne’e, familia lubuk ida iha ne’eba, hau hotu ho sira kona-ba kalen tahan 5 ka 6 ne’ebe kuak ne’e katak ami fila husi Ainaro ami tenke hola fila fali hodi entrega ba familia ne’e” informa Responsavel Kmanek Oan Rai Klaran (KORKA) Munisipiu Covalima, Justinho Guterres Maia, ba RCCT iha nia hela fatin Galitas, Zumalai Domingu (16/04).
Nia haktuir prosesu rekoperasaun atu entrega hela osan fo ba iha kios na’in ne’e maibe situasaun sei mosu tan akontesimentu iha loron 13 fulan ne’e prontu sei pending hela to’o agora sei dauk rekopera no seidauk ba hasoru familia ida kios nain ne’e.(JS)
