Covalima (RCCT) 14-08-25-Komunidade Suku Dato Tolu, Postu Administrativu Fohorem, preokuapa ho kompañia ne’ebé konstrui drenazen no retensaun utiliza rai henek latuir rejultadu teste laboratotiu.
Komunidade Suku Dato Tolu, Simplicio da Costa, la satifas basa projetu ne’e la ho kualidade no kompañia la konsidera rejultadu husi enkontru ne’ebé halo hamotuk entre komunidade no tekniku Obras Publiku katak atu uliza rai henek ne’e pasa iha teste laboratoriu.
“Antes, kompañia sira atu halo saluran ne’e sira husi obras nasionál mai enkontru ho ami sira dehan rai henek iha área lakalese nian partese iha mota tafara ho naran wesiak ne’e mak tama iha sistema laboratoriun, pasa, maibé kompañia Delta Nova, primeiru ne’e nia sei tula rai henek husi ne’ebá mak mai, maibé nia halo estrada ne’e la di’ak tia. Nia loke fali dalan foun hodi tula hodi uza halo saluran/ penahan. Sira foin mak hodi rai henek ne’e ba Dili atu teste maibe agora dadaun sira uza ona” Simplicio dehan.
Komunidade ne’e dehan katak tuir informasaun husi tekniku obras publiku katak rai henek ne’ebé tama iha sistema mak iha parte Wesiak ne’e maibé kompañia refere raut rai henek fora husi rai henek ne’ebé pasa iha teste laboratorium ne’e.
“Ami husu kompañia na’in ne’e, nia dehan Tekniku obras nian ne’ebé mak destaka iha ne’e nia mak orienta ami hodi raut no tula rai henek ne’e, entaun kompañia durante ne’e raut deit mak rai henek ne’ebé mak la tama iha sistema ne’e, rai henek ne’ebé mak agora sira uza ne’e distansia husi rai henek ne’ebé tama iha sistema ne’e mais ho menus kilometru hat resin husi area ne’e” tenik Simplicio.
Iha Sorin seluk, Xefe Aldeia Fatuk Kabuar Leten, Vitorino Moniz mos lamenta ho aktu ne’ebé mak kompañia implementador ho Tekniku obras sira dehan atu kolabora servisu hamutuk maibé kompanha reseita hodi halo servisu tuir nia hakarak
” Ha’u la satisfas ho kompañia ne’ebé mak halo konstrusaun saluran/ penahan tanba nia uza rai henek ida ne’ebé la tama iha sistema laboratorium tanba primeiru ami inkontru iha Aldeia Natardik ne’e, husi Tekniku obras nian rasik mak dehan kompañia sira ne’ebé mak menan ne’e sira tenke raut rai henek ne’ebé mak tama iha sistema laboratorium. Rai henek atu uza ne’e mak iha Wesiak ne’e, primeiru nia sei raut rahenek iha wesiak la to’o fulan hanesan ne’e iha ne’ebá tempu udan entaun nia lalin estraga tia estrada diresaun husi Lakalese entaun nia sente nia kareta ne’e atu at, tanba ne’e ha’u hakarak husu ba Ministeriu Obras sira atu tun direitu hodi hare. Kompañia tenki halo tuir buat ne’ebé mak iha BOQ ne’e labele halo tuir kompañia nia hakarak” Lideransa Aldeia ne’e lamenta.
Entretantu Komunidade sira dehan kompañia Delta Nova Unip.lda ne’ebé hala’o projeitu retensaun no drenazen iha Suku Dato Tolu, besik atu finaliza ona maibe kompañia maibe ladun iha konsiderasaun ho autoridade sira iha Suku Dato Tolu.
Jornalista : Alfredo Barreto
Editor : Chamot Nahac
