Covalima (RCCT) 20-04-21 Komunidade no Joventude hamutuk ho Veteranus iha Postu Administrativu Tilomar husu ba Responsavel CIGC Nasional Dr. Rui Maria de Araujo atu bolu atensaun ba Pessoal Saúde iha CIGC Covalima, tanba konsidera, Ekípa Saude sira halo manipualasaun prosessu teste Swap, tanba ne’e husu atu hasai Pessoal saúde sira ne’e, tanba bele fo implikasaun ba servisu CIGC.
“ Ami husu CIGC liu husi Dr. Rui Maria de Araujo hanesan responsavel CIGC Nasional atu bolu Pessoal saúde CIGC iha Covalima, hodi justifika asaun sira nebe maka pessoal Saude sira ne’e prátika hodi manipula prosessu teste swap Covid-19 nian, karik diak liu hasai Pessoal Saúde sira ne’e, tamba bele fo implikasaun bo’ot ba Servisu CIGC.” Dehan Porta Voz Charles Dao Jawa iha Konfrensia Imprensa nebe hala’o iha Sede Suco Maudemu Postu Administrativu Segunda Feira (20-04)
Entertanto Konfrensia Imprensa ne’e hala’o tanba iha Sabado (20-04) mosu dezintendimentu entre Estudante sira ho Pessoal Saúde sira iha Kuarentena Airoportu Xanana Gusmão, tanba estudante sira lakohi kopera ho ekipa Viziansaun tanba konsidera Ekipa Saude halo manipulasaun ba covid-19 nebe mak antes ne’e negativu sai fali pozitivu, situasaun ida ne’e rasik mak hamosu hodi Estudante sira labele fiar, tanba iha loron 16 fulan abril tinan 2021 fo sai katak rezultadu negativu maibe iha loron 17 fulan abril tinan 2021 fo sai fali katak Rezultadu pozitivu Covid-19.
Jornalista : Tynho Gusmão & Asatu Soares
Editor : Chamot Nahac
