Komunidade Bora Ikun Alarico do Nascimento, hatete, sira senti la seguru iha tempu udan tanba sempre ameasa husi Inundasaun liliu husi mota Hunete tanba laiha buat barazen atu satan netik mota hodi labele sa’e tama no sobu Komunidade nia uma no estraga sira nia ai han.

“Am Komunidade iha Aldeia Bora Ikun Ida ne’e kada tinan hasoru beibeik Inundasaun husi Mota Hunete, tanba iha leten ne’eba la halo normalizasaun maka tinan-tinan ami afeita Inundasaun, hau atas nama (reprejenta) Komunidade Aldeia Bora Ikun, husu  estadu bele hanoin ba Aldeia ida ne’e bele tau Bronjong ba mota Hunete nune’e hodi Salva Komunidade iha Aldeia Bora Ikun Ida ne’e” dehan Reprejenta Komunidade Bora Ikun Alarico do Nascimento ba RCCT iha Aldeia Bora Ikun Sesta (31/05).

Nune’e mos Xefe Aldeia Bora Ikun Joaguim Pereirra,  husu ba governu liliu Ministeriu Obras publika tau atensaun hodi hatuur Bronjong iha mota Hunete, Tanba nia lakohi komunidade sai vitima bebeik ba inundasaun.

“hau Nia hakarak maka ne’e duke tinan-tinan udan, hamosu beneik  Inundasaun, nusa maka la halo  manutensaun iha mota Ida leten ne’eba ne’e, para normaliza tiha bee labele tama ona, udan maka’as mos bee la mai ona, hau Nia hakarak ministru Obras publika bele ba haree iha ne’eba, duke udan bosok mota mai povu maka halerik no sai vitami ba inundasaun” dehan Xefe Aldeia.

Enkuantu relasional ho akontese udan bo’ot iha Kinta loro kraik durante oras 3 resin mota tun hodi estraga fasilidade publiku hanesan estrada, ponte no moru eskola Tashilin monu inklui bee tama Komunidade Nia uma hodi estraga ai han no lori sasan dapur nian inklui animal.

Jornalista : Julio Salinas

Editor.      : Chamot Nahac