Covalima (RCCT) 27-02-24-Komandante Polisia Nasional Timor-Leste (PNTL) Superientendente Polisia Calisto Gonzaga husu ba sidadaun hotu iha Munisipiu Covalima atu halo Jejum iha tempu koresma, labele hanoin buat at iha laran hodi hamosu problema.
Komandante Polisia Munispiu Covalima dehan ba Joven no sidaun hotu iha postu administrativu hitu atu hatos emosaun no ambisaun, tau prioridade ba Jejum iha tempu koresma, labele tur iha estrada ninin no hemu hodi hamosu provokasaun no kria probelema.
“Ha’u hanoin hanesan ne’e ba sidadaun hotu partikularmente Munisipiu Covalima, ba ha’u nia alin joven sira husi Postu Administrativu 7 iha tempu koresma ita tenke tahan ita nia emosaun, ita nia hanoin, ita nia ambisius para depois ita simu ho tempu koresma ne’e di’ak, ita Jejum, saida maka loron-loron ita halo parese ita limita uitoan hahu husi uma laran, sosiedade to’o ema seluk apalagi iha tempu koresma ne’e ita Jejum tenki hakmatek, tenke hanoin ita nia kulpa sira ne’e, mais no fin ita ba ataka fali ita nia maluk ne’e ladi’ak, nudar sarani katolika iha tempu koresma ne’e tenki hakribi sala sira hodi hanoin buat foun iha laran” dehan Komandante Polisia Nasional Timor-Leste (PNTL) Superientendente Polisia Calisto Gonzaga ba RCCT iha nia knar fatin Segunda (26/02).
Nune’e Superientendente Polisia Calisto Gonzaga apela ba joven sira labele kalan tur iha estrada ninin no para hemu tua hodi evita provoka ema seluk nia movimentasaun.
“Ha’u hanesan komandante munisipiu, hanesan aman, hanesan maun ha’u fo hanoin liliu ba alin joven sira ne’ebe kalan-kalan tur iha estrada hapara tiha, tempu ida ne’e mos hapara tiha hemu, tanba liu husi hemu tua bele provoka ema, ita sempre halo asaun ne’ebé liu tiha ema hotu la gosta, no fin ita halo krime ne’ebé ha’u hanesan maun enkoraza ba ema hotu liliu joven sira kalan lalika tur iha estrada, lalika hemu barak, ita tahan uitoan depois tempu koresma loron 40 ne’e hotu, depois maka ita hemu ne’e la problema so ke efeitus husi alkoliku ne’e dala ruma halo ita bele halo buat ruma la tuir ema hotu nia hakarak to’o ita halo krime tanba ne’e maka fo hanoin ba ema hotu depois mak hakalma an loke neon halo karidade, halo orasaun” komandante husu ba foinsa’e sira iha Covalima halo Jejum.
Entertantu komandante PNTL husu sidadaun hotu tantu ferik no katuas, labarik ka bo’ot, liliu ba foinsa’e sira, tenki halo Jejum iha tempu koresma, tenki halo karidade ba malu no kria pas no dame iha ida-idak horik fatin, no labele halo barullu iha ne’ebé deit.
Jornalista : Julio Salinas
Editor : Chamot Nahac
