COVALIMA—Komunidade hamutuk uma kain-1.168 iha Suku Suai-Loro, Postu Administrativu Suai, Tersa (17/01) hahu simu ona Sesta Bázika ne’ebe distribui husi kompaña Pararel Unipesoál LDA.
Xefe Suku Suai-Loro Martinho Mendonça hateten, Uma-kain 1,168 simu ona sesta bázika, iha suku Suai Loro, postu Administrativu Suai, .unisípiu Covalima.
“Ohin ha’u nia komunidade iha suku Suai–Loro husi aldeia lima, hamutuk uma kain-1.168 simu ona sesta bázika husi kompaña Pararel Unipesoál LDA” informa Xefe Martinho Mendonça, ba jornalista hafoin akompana kompaña distribui sesta bázika ba komunidade sira ne’ebe hala’o iha sede suku Suai-Loro.
Nia afirma molok atu distribui sasan hirak ne’e sira husi kompaña fó sai item sira ne’ebé atu distribui ba komunidade sira mak hanesan, Manu-tolun , naan karau, foos, masin midar, masin, mina tein, kafe no sasan seluk tan.
Durante halo distribuisaun komunidade sira la halo kritíka ba komapaña nune’e programa distribuisaun sesta bázika iha suku Suai-Loro la’o ho di’ak.
Komunidade Novita Marlina Soares kontente ho programa governu hodi distribui sesta bázika ba komunidade sira iha Suai-Loro
“Hau kontente bainhira governu liu husi kompaña distribui sesta bázika ba ami mak hanesan foos manu–tolu, naan karau no seluk tan” nia dehan.
António Relvas mós hato’o sentementu kontente bainhira governu iha polítika hodi implementa programa sesta bázika hodi distribui sesta bázika ba komunidade sira.
“ Ami kontente bainhira governu distribui sesta bázika ba ami hodi simu sesta bázika iha Suai-Loro” nia hatete.
Suku Suai-loro ho total uma kain 1,168 ho nia aldeia sira hanesan Aldeia Loro uma kain–411, Aldeia Mane Ikun uma kain- 247, Lo’o uma kain-212, Sukabi Laran uma-158 no Aldeia Akar Laran uma kain-140.
Enkuantu total populasaun iha suku Suai-Loro hamutuk –4,654 husi númeru ne’e feto na’in- 798 no mane na’in-787.(Azu)
