Veteranu Koba dehan lia ne’e ralasioan ho dedikasaun ne’ebé saudozu Maximiliano Amaral do Rego ho kodigo Foc Mesac hala’o iha tempu klandestina tula Xanana hodi la’o tun sa’e ba fatin ka abrigu, nia dehan tempu klandesitina difisil tebes atu hasoru no lori Xanana ba subar iha toba fatin, maibe saudoso Maximiliano Amaral do Rego ho kodigo Foc Mesac, aten brani lori Xanana ba subar iha nia toba fatin rasik.

“Foc Mesak, veteranu ida ne’ebé uniku uitoan, diferente tanba nia istoria la hanesan ho veteranu sira seluk iha Munisipiu Covalima, tanba iha klandestina ita atu tula Xanana Gusmão susar la halimar ne’e milagre grasa bo’ot ida, onra ba ema Fohorem ba Covalima, dala barak veteranu sira iha Fohorem la hatene nia istoria tanba nia vida sempre nia iha Dili ne’eba hamutuk ho Amo Sancho ne’ebé halo servisu bo’ot tula Xanana lori ba toba iha nia subar fatin, ita nia veteranu sira,” Katak Veteranu Martinho Amaral “Koba” iha semiteriu Publiku Postu Fohorem Hafoin partisipa serimonia Vunebere ba Saudozu Foc Mesac, Segunda (18/12).

Koba mos saran lia konaba nia luta ba ukun rasik an asume pozisaun hanesan komandante rejiaun maibe luta diferensia ho Saudozu Foc Mesac.

“Ha’u nia kontribuisaun la to’o ida ne’e, ha’u hatete malorek tanba ha’u servisu iha rejiaun 4 mos ha’u la halo buat ida, so deit lori kilat tolu lori ba iha ai laran rejiaun 4, se maka lori Nu’u Nura ho Perdidu, ne’e ha’u mak halo planu lori netik kilat tolu ba iha rejiaun 4 ne’e, fabor la hanesan veteranu la hanesan, tan ne’e di’ak liu ha’u husu ba veteranu hotu hakerek ona imi nia istoria hodi ba tau iha muzeum ne’eba para hela ba oan no bein oan sira atu nune’e mate karik lalika repot liu buka sa’e buka tun ita ulun moras la halimar dala ruma ita bele inventa istoria” Koba dehan.

Nune’e Koba husu ba Veteranu sira iha Munisipiu Covalima, atu ida idak hakerek ona ninia istoria rasik hodi bele rai iha Mini Muzeum para jerasaun foun bele le hodi hatene istoria.

Jornalista : Julio Salinas/Balta Moniz

Editor       : Chamot Nahac