Sorumutu Ordináriu Konsellu Ministrus (KM) iha loron 4 fulan-agostu tinan 2025, Konsellu Ministrus aprova projetu Deliberasaun ida ne’ebé aprezenta husi Ministru Planeamentu no Investimentu Estratéjiku, Gastão Francisco de Sousa, kona-ba kontratasaun iha futuru liu husi ajuste diretu Empreza PT Meridian Kreatama Mandiri, serbisu hamutuk ho KIAT, Lda., iha ámbitu nesesidade hodi revee Planu Estratéjiku Dezenvolvimentu tinan 2011-2030.
Governu Konstitusionál IX hakarak atu halo avaliasaun no revizaun ba Planu Estratéjiku Dezenvolvimentu tinan 2011-2030 no promove realizasaun Planu Estratéjiku Dezenvolvimentu foun ba tinan 2026-2035.
Haree ba kompleksidade atu halo revizaun ba Planu Estratéjiku Dezenvolvimentu no dezenvolve kontribuisaun foun ba meta tinan 10 nian, kontrata espesialista ne’ebé hanesan hodi dezenvolve planu estratéjiku atuál ne’e justifika ona, nune’e garante kontinuidade prosesu no seleridade no efisiénsia boot liu iha ninia revizaun.
Empreza PT Meridian Kreatama Mandiri no KIAT, Lda. ne’ebé sira-nia sede iha sudeste aziátiku no iha esperiénsia barak iha setór ida-ne’e, ne’ebé halo sira sai empreza únika ne’ebé aprezenta kondisaun hodi hala’o projetu ida-ne’e, ne’ebé ninia valór prevee besik dolar amerikanu 784.368.
Reportazen RCCT
