Covalima (RCCT)-16-07-24-Iha fulan 6 nia laran hahu husi Janeiru to’o juñu 2024 Ospital Referal Suai (ORS) konsege transfere pasiente bebe na’in-7 ba Ospital Nasional Guidu Valadares (HNGV-sigla portuguesa) Dili tanba bebe balu balu sofre moras malfarmasia, balu moris ho prematur ka fulan lato’o.
Diretór Ezekutivu Ospital Referal Suai, Domingos de Fatima Oliveira Lemos, rekuñese Ospital Referal Suai liliu ba diresaun maternidade sei infrenta menus ekipamentu mediku hodi halo observasaun ba bebe sira ne’ebé foin moris.
“Kondisaun em jeral Ospital Referal Suai maibe ita ligadu liu ba iha maternidade nian to’o labarik na’in-7 ita bele transfere ba HNGV Dili tanba iha pasiente na’in-1 moris mai ho kondisaun mal formasia ne’e ita tenke refere tanba bebe moris ho nia ulun ruin ne’e la kompletu ne’e tenke transfere tan ita la’os maromak labele hare iha ne’e, depois bebe sira seluk sofre prematur no ita sei dauk iha makina ka ekipamentu mediku ne’ebé maka ladun naton atu hodi fasilita, no mediku neunatolojia oinsa labarik sira moris iha mediku espesialista hodi tau matan, maibe espesialista ba pediatria iha maibe ba labarik foin moris ne’e seidauk iha” dehan Diretór Ezekutivu Ospital Referal Suai, Domingos de Fatima Oliveira Lemos,ba jornalista iha nia knaar fatin.
Diretór Ezekutivu Ospital Referal Suai, Domingos de Fatima Oliveira Lemos, mos relata konaba bebe ne’ebe moris iha ospital suai durante fulan janeiru no junu tinan ne’e hamotu 496, iha ne’ebe bebe na’in 7 mak moris transfera ba ospital nasional guidu valadares dili, no bebe na’in 18 maka mate iha inan nia kanotak molok familia evakuan husi uma mai sala maternidade ospital suai.
“Husi bebe hamutuk na’in-496, ne’ebe mate iha na’in-18 no iha mos bebe na’in-7 transfere ba iha nasional ne’e akontese tanba iha bebe balu moris fulan lato’o ho nia stilla prematur, maibe akontese ida ne’e iha fulan Janeiru laiha, iha fulan Febreiru pasiente bebe na’in-3, Marsu na’in-2, Abril na’in-1, Maiu na’in-1 no Junu laiha, ida ne’e maka kondisaun ba diresaun maternidade Hospital Referal Suai nian” nia dehan.
Enkuantu konaba infrenta menus ekipamentu iha sala maternidade ospital referal suai, Diretór Ezekutivu Hospital Referal Suai, Domingos de Fatima Oliveira Lemos informa katak Ministeriu Saude iha ona planu atu apoiu ekipamentu mediku iha tinan 2025.
Jornalista : Julio Salinas
Editor : Chamot Nahac
