Covalima (RCCT) 13-08-2026-Estajiada Instituto Proficional De Canosa (IPDC-Sigla Português) Departamentu Tecnicas de Computação E Informatica Jonila Nelia de Jesus ba Jornalista Radio Comunidade Cova Taroman informa, atividade ne’ebé realiza iha Centru Juventude Covalima (CJC) hanesan Fasilita Formasaun, peskiza no halo manutensaun ba kompudarores.
Ohin ami mai iha ne’e lori progrma 3 no ami fahe ba grupu, grupu ida fahe formasaun konaba Artivisial Intelijensia, grupu ida mai atu peskiza problema saida mak Centru Juventude hasoru para atu kria webside ba iha Centru ida ne’e no ikus ami mak halo manutensaun ba komputador ida ne’e mak progrma ne’ebé ami implementa iha ne’e maibe ida ne’e ba loron primeiru, iha loron tuir mai ami sei lori progrma internet baziku, Internet saudavel no programa sira seluk mai implementa iha ne’e tuir orario ne’ebé Centru sira fo tanba ami iha Munisipiu Covalima durante fulan 1, Semana 2. Jonila Nelia de Jesus, informa.
Diretor Ezekutivu Centru Juventude Covalima (CJC) Julio Fereira orgullu ho prezensa Estajiadu Instituto Proficional De Canosa (IPDC-Sigla Português) Departamentu Tecnicas de Computação e Informatica tanba haforsa ona sira hodi kontribui ba Joven sira nia prosesu aprendisazen.
Primeiru apresia ba ita bo’ot sira nia servisu sira liu-liu ba eskola sira tanba bele fo oportunidade ohin mai estajiu iha Centru Juventude Covalima (CJC) ne’e importante los tanba durante ne’e ami nia Komputador ne’ebé mak iha dala ruma ladun funsiona ho di’ak entaun prezensa ita bo’ot sira nian ne’e ajuda mos ami hodi bele halo manutensaun ou bele instal fali fali programa ne’ebé mak loading la dun di’ak ne’e ajuda teb-tebes ne’e ha’u sente orgullu teb-tebes tanba bele ajuda ona centru hodi bele haforsa liu tan liu-liu bele kontribui ba Joven sira iha prosesu aprendisazen. Julio Fereira, Haktuir.
Tuir informasaun ne’ebé Jornalista Radio Comunidade Cova Taroman (RCCT) Asesu Estajiadus husi Instituto Proficional De Canosa (IPDC-Sigla Português) Departamentu Tecnicas de Computação E Informatica hamutuk nain Limanulu-resin sia (59) no programa ne’ebé sei implementa iha Munisipiu Covalima hamutuk Ualu (8) hanesan internet baziku, kompuper baziku, Webside baziku, Artivisial Intelizinsia (AI), Internet Saudavel, Google Class Room, Rejistu gmail no Canva.
Jornalista Julião Correia
Editor Paul Mandeu
