Covalima (RCCT) 14-06-25 Ministeriu Edukasaun liu husi Institutu Nasional Formasaun Dosentes no Profesionais Edukasaun (INFORDEPE) sabadu foin lalais (14/06) hala’o enkontru ho Diretór Sevisu Munisipal no Superintendente Edukasuan husi Munisipiu sanulu resin hat hodi hametin liu tan liña servisu ne’ebé iha hodi fo susesu ba setor edukasaun iha timor leste. Inklui atu fahe rezultadu servisu no mos sosializa bibiloteka digital INFORDEPE nian ba dirente eskola atu bele asesu modul sira ne’ebé iha hodi hafasil servisu.
Tan ne’e Prezidente INFORDEPE Domingos Martins husu ba Diretor Munisipal no Superintendente Edukasaun sira atu halo monitorizasaun ba direjente eskola sira iha ida idak nia munisipiu.
“objetivu prinsipal mai halibur diretór ho seperintendente ne’e atu halo monitorizasaun no atu halo akompañamentu hodi fo apoiu nafatin ba dirijente sira. tanba dala ruma ita fo formasaun ona maibe ita halo tan monitorizasaun, Ita iha gabinete ida naran peskiza dezenvolvimentu monitorizasaun, avaliasaun, depois ekipa ida halo monitorizasaun, liu husi sira nia monitorizasun ne’e ita halo fali dezeñu ida katak formasaun ida ita fo ne’e implementa ka lae se karik la implementa, meus saida mak ita kapasita tan sira tanba rezultadu ikus ne’e diretór munisipiu ho superintendente mak sei avalia ” Prezidente Infordepe Domingos Martins, dehan.
Domingos Martins relata, wainhira partisipa tiha iha formasaun konaba jestaun administrasaun eskola, mak dirijente eskolar sira la implementa ho di’ak hodi jere sira eskola ida idak mak Ministeriu Edukasaun sei fo sansaun bazeia ba rezultadu ikus husi avaliasaun ne’ebé diretór Munisipal no superintendente edukasaun sira halo.
“Tamba rezultadu ikus ne’e diretór munisipiu ho superintendente mak sei avalia se kuandu nia la implementa, sansaun ne’e sempre iha, maibe sansaun la signifika atu hasai husi kargu no buat sira ne’e ita la koalia ida ne’eba, maibe pelumenus nia rasik mak lakoi eleva nia ninia kuñeimentu ba nia an, tanba ita atu muda no transforma ema nia an ne’e la’os kestaun publiku mais kestaun individual tanba aprende buat ida tenki implementa iha servisu fatin” Domingos Martins, Ralata.
Egkuantu eskontru koordenasaun hodi hametin liña servisu entre Diretór Servisu Munisipal no Superintendete Edukasaun husi Munisipiu 14 no INFORDEPE ne’e hala’o iha salaun administrasaun munisipiu Covalima, sabadu loron 14 fulan juñu foin lalais.
Jornalista : Alfredo Barreto
Editor : Chamot Nahac
