Covalima (RCCT) 13-06-25-Diretór Servisu Munisipal Saude Covalima, Domingos Sequeira, informa konaba relatoriu kurter primieru tinan 2025 katak foin atinji pursentu rua nulu inan isin rua sira halo partu iha fasilidade saude.
Maibe nia dehan tuir planu katak iha kuarter dahuluk tinan 2025 ne’e servisu munisipal saude tenki atinji pursentu rua nulu resin lima, inan isin rua sira partu iha fasilidade saude.
“Agora daudaun ita nia atinjementu partu ba kuarter primeiru ita atinji ona tama ba pursentu 20, signifika katak maioria ita nia komunidade atu partu karik tenke ba iha ospital ka sentru saude no postu saude sira ne’ebé besik, ita hare kada quarter atinjimentu ne’ebé di’ak pursentu 25, maibe agora ita atinje ona pursentu 20, signifika katak inan isin rua sira iha pursentu 5 maka sei partu iha uma ne’e ba quarter primeiru, tanba ita analiza to’o pursentu 100 tenke pursentu 25 kada quarter, ne’ebé agora ita atinje pursentu 20 partu iha fasilidade saude no pursentu 5 partu iha uma” Diretór Servisu Munisipal Saude Covalima, Domingos Sequeira, informa ba jornalista sira iha nia k’nar fatin, Sesta (13/05).
Domingos Sequeira, afirma situasaun ida ne’e kontinua akontese ba inan isin rua sira liu husi konsiensia no mos atendimentu konaba transportasaun ba inan isin rua sira.
“Inan sira nia konsiensia kada ves balu dehan ha’u moras derepente deit ne’e maka partu iha uma, ne’e dala barak maka akontese hanesan ne’e, kada ves bolu ambulamsia to’o ba inan ne’e partu tiha ona, ne’ebé ita rekoñese buat sira ne’e, tinan uluk ita nia ina isin rua balu mate maibe iha tinan ida ne’e iha quarter primeiru saude detata inan mate tanba partu seidauk iha, ne’e ita nia dadus la’o sei normal hela, kada fulan ita nia tarjetu ne’e partu sentru saude no ospital iha inan isin rua 300 resin” Diretór Servisu Munisipal Saude Covalima, Domingos Sequeira.
Diretór Servisu Munisipal Saude Covalima, Domingos Sequeira nafatin husu ba komunidade sira iha Covalima liliu ba inan isin rua sira katak kuandu loron to’o atu partu bele kontaktu via telefoni ba sentru saude ka parteira sira nuen’e bele orienta kedas kareta multifunsaun ba foti hodi desloka mai fasilidade saude ne’ebé besik hodi halo partu iha fasilidade saude.
Jornalista : Julio Salinas
Editor : Chamot Nahac
