Covalima (RCCT) 23-12-23–Selebra loron moris santa Madalena de Canosa ba dala 250, ne’ebe sei monu iha loron 1 fulan marsu 2024, igreja parokia ave maria realiza atividade kompetisaun Koral ne’ebe akumula ba tebe dai (likurai) le biblia, no solo vokal entre sarani sira husi kapela ida idak ne’ebe mak submete iha Parokia Ave Maria Suai.

Nune’e Madre Superiora Canossiana Suai, Maria de Carvalho Soares, hateten, realisa atividade kompetisisaun ne’e iha komemerasaun ida ne’e atu promove hatais kultura timor nia liu liu iha Covalima.

“Haksolok ba imi nia prezensa hau haree ohin ne’e mai ho antuasiasmu liu tan, ida ne’e mak ita nia mehi, ita nia hakarak atu bele liu husi ita nia atividade ne’ebe hatudu bele selebra duni ita nia objetivu husi atividade sira ne’e maka atu selebra pesta Santa Madalena de Canosa nia loron moris ba dala 250, ne’ebe sei selebra iha tinan oin fulan Marsu 2024, tan ne’e ita boot sira bele hatudu ba, ne’e hanesan solo ida atu ita bele fila fali promove ita nia hatais kultura nian, ema haree husi liu dehan Suai ne’e ida deit maibe liu husi kompetisaun ne’e sarani sira husi ida-idak nia bairo, husi ida-idak nia kapela hatudu karakteristika dansa kultura la hanesan hodi reprezenta Covalima katak riku saoin ba kultura nian barak tebes” nia dehan.

Fatin hanesan reprezentante Komisaun, Fransiskus Laot, husu ba konkorente sira hotu ne’ebé partisipa iha kompetisaun ne’e atu simu rezultadu ikus ho kontente hanesan ema kristaun.

“Iha biban ne’e hau hakarak atu fo hatene ba oan no bein oan sira, maluk konkorente sira katak, ema dehan lomba ka kompetisaun ne’e sempre iha lakon, sempre iha manan depois ita bele dehan lakon ka manan Madalena nia oan hotu, ne’ebe lakon kontente nafatin, manan kontente nafatin ida ne’e maka hanesan hau fo semangat ba imi hotu, ne’ebe imi tama ba hatudu karik hanoin didiak halo nusa maka bele hetan juara 1, nune’e mos tama ba fulan Janeiru 2024 sei iha kompetisaun ida kona ba diskursu ho lian fuan Marae (bunak) nune’e mos sei iha sentiment ( kadi kakutak), liubhusi kompetisaun sira ne’e hotu bainhira ida ne’ebe maka manan karik sei kontinua ba kompete iha nivel nasional hodi reprezebta Covalima” Nia informa.

Entertantu kompetisaun ida ne’e realiza hodi festaza Santa Natal no tinan foun inklui selebra loron moris Santa Madalena de Canosa halo tinan 250 iha mundu ida ne’e,partisipa iha kompetesaun ne’e mak sarani sira mai husi kapela ida-idak mak hanesan sarani husi kapela Aidantuik, Kamanasa, Labarai, Matai no seluk tan.

Jornlista :Julio Salinas, Moi Chung, Balta Monis

Editor : Chamot Nahac