Covalima (RCCT) 12-06-25-Governu Liu husi Ministeriu Edukasaun sei tau prioridade ba Eskola sira ne’ebé seidauk iha menus fasilidade hanesan laiha moru protesaun, laiha fatin kuziña ba merenda eskolar,
Reprezenta Ministeriu Edukasaun Helio Lopes, hatete governu iha responsabilidade no konsidera nafatin eskola sira ne’ebé identifikadu ona seidauk iha moru protesaun no seluk tan, maibe nafatin persija kontribuisaun husi inan/aman estudante no autoridade lokal.
“Governu liu husi Ministeriu Edukasaun konsidera nafatin priorodade sira ne’ebé ita identifika katak presija moru, presija fasilidade kuizinha no seluk tan, maibe eskola bele organiza fasildade balu ne’ebé bele hetan tulun husi servisu hamutuk ho inan aman sira, ezemplu ida iha eskola balu lta nia projetu ita halo tiha edifisiu eskola, inan aman sira, autoridade komunitariu sira apoiu halo lutu protesaun ne’ebé ho ai horis, eskala balu organiza inan aman no komunidade sira kuda ai horis voluntariumente para depois halo protesaun ba eskola, ha’u fiar katak ita nafatin servisu hamutuk atu kuidadu ita nia eskola, nia husu.
Diretór Eskola Basiku Central (EBC) Beilaku, Hilario Magno, dehan Governu timor Leste servisu hamotuk ho Governu Japaun konstrui ona edifisiu maibe seidauk iha moru protesaun hodi asegura ta ne’e sei kopera ho inan aman estudante hodi halo lutu hale’u eskola, maibe nia husu ba governu liu liu ba ministeriu edukasaun atu toma atensaun hodi konstrui moru protesaun iha futuru.
“Ami nia eskola filial Harekain di’ak ona maibe moru protesaun maka seidauk iha no mos estrada ne’e fera loos iha klran ne’e sei fo risku dezastre ba ami nia oan sira iha eskola, ami bele mobiliza inan no aman sira bele halo lutu provizoriu, no ba oin ne’e estadu bele toma atensaun hodi halo moru protesaun ne’e ba eskola, nia dehan.
Enkuantu tuir Diretór Eskola Basiku Central (EBC) Beilaku, Hilario Magno, konaba total estudante iha EBF Harekain hamotuk ema na’in 174, nia mos rekuñese kondisaun edifisiu eskola di’ak ona maibe sei falta moru protesaun eskola.
Jornalista : Julio Salinas
Editor : Chamot Nahac
