COVALIMA—Diretor Servisu Agrikulura Munisipiu Covalima Domingos Gusmão hatete, atu hasae produsaun rai laran tenke servisu maka’as hodi hamenus inportasaun hosi rai liur tanba durante tinan barak nia laran ona maka Timor-Leste sei depende ba importasaun.

“Atu redus importasaun ita presija servisu maka’as hodu hasae produsaun rai laran, hasae produsaun rai laran saida mak ita halo tenke exploration ona ita nia area koletivu sira ne’ebe durante ne’e ladun fo importansia hodi husik hela maske rai potensia agrikultor” deklara Diretor Servisu Agrikulura Munisipiu Covalima Domingos Gusmão ba jornalista sira iha nia knar fatin Sesta (04/03).

Nia dehan parte ida mos presija involve mos agrikultor joven sira tanba durante ne’e observasaun hatudu produsaun la sae tanba kapasidade inan no aman sira ne’ebe idade avansadu, sira nia kapasidade atu jere toos ne’e bele dehan menus tebes Satan sira hakarak buat hotu la foka liu ba buat ida.

Nia haktuir atu redus importasaun presija involve rekursu ne’ebe servisu agrikultor munisipiu iha hodi bele utiliza rai ne’ebe oras ne’e abandonado hela hodi hasae produsaun.

Tuir nia katak rai barak sei abandonado tanba orasmentu ne’ebe aloka mai iha agrikultor munisipiu menus liu so iha deit ba orsamentu bens servisu maibe ba kapital dezenvolvimentu ba Munisipiu laiha, tanba ne’e labele halo buat barak.

Maibe ligadu ba iha munisipiu so hato’o deit planu oinsa mak atu realiza bainhira nasional haruka mai ona.

Nia dehan solusaun atu redus importasaun husi rai liur mak tenke iha orsamentu hodi halo extension ba area kuletivu ne’ebe iha no bele intensifika saida mak iha ona hanesan to’os ho natar ne’ebe iha ona.

Nia hatutan iha Munisipiu Covalima area potensialidade kona ba natar nian mak hanesan iha postu administrativu Zumalai hahu husi Oebaba, Beilaku Suku Raimea no iha Postu Suai nian mak hanesan Suku Suai-Loro, maibe partensia ba iha Salele, Tilomar nian ladun iha natar so sira hakiak deit modo pateka.

Nia sublina iha area sira ne’ebe potensialidade ba natar nian ne’e kada tinan produs haree to elaborate 1.4 kada hektares.

Nia haktuir iha Salele, Tilomar agrikultor sira la halai ona natar tanba bee iha parte leten maran ona tanba kauza husi komunidade sira nia asaun ne’ebe laiha konsiensia hodi sobu halo bee maran tiha, uluk sira halo natar agora la halai ona natar.(azu)