Covalima (RCCT) 01-07-25-Boaventura Xavier, hato’o keixa ba Ministeriu Publiku (MP) iha Suai, Munisipiu Covalima tanba konsidera ofendidu ho ALC ninia publikasaun iha Sosial Media (SM) Facebook. Maibe antes ne’e Boavintura hato’o ona keixa ba asaun sivil iha Defensor Publiku Suai.
Hafoin remata heto’o keixa ba MP iha Suai, Boaventura Xavier ko’alia ba jornalista sira dehan la satisfas ho publikasaun iha Media Sosial (MS) ne’ebé durante ne’e ALC lansa iha facebbok tanba konsidera hatun ninia dignidade no lekar ninia privasidade iha publiku. Maibe saida mak ALC lansa ne’e hanesan lia bosok.
“Ha’u pesoal Boaventura Xavier, ha’u nudar sidadaun Timor oan, ha’u mai hato’o keixa, horseik Segunda 30 de juñu 2025 ha’u hato’o keixa iha Defensor Publiku Suai, konaba asaun sivil nian, konaba desfamasaun nia post ha’u iha Facebook, no ohin Tersa 01 de Jullu 2025 ha’u mai hato’o keixa krimi nian iha Ministeriu Publiku nian konaba ALC ne’ebé halo viral ona ha’u iha fecebook, YouTube Tik-Tok ho WhatsApp, ha’u sente ofendidu tebes, ha’u la satisfas ho buat ne’ebé nia halo ou hatudu video ne’eba ne’e bosok ka falsu dehan katak nia ho nia alin sai vitima, ne’e laloos, sebaliknya, nia alin maka sai vitima ba nia ne’e maka nia fo fali nia alin nia osan, ha’u la’os sai vitima ba nia ho nia alin ne’e falsu, bosok” deklara Boaventura Xavier ba jornalista sira hafoin remata hato’o keixa iha MP Covalima Tersa (01/07).
Boaventura Xavier ofendidu ho ameasa husi ALC iha Media Sosial ne’ebé sai viral hodi ameasa nia (Boaventura Xavier) tenke tama komarka tinan tolu, razaun katak bosok nia. Maske Boaventura rejeita nunka habosok hodi simu osan ALC hodi halo trazaksaun kareta no trata dokumentu kareta nian.
“Nia postingan ikus liu, nia tau iha video ne’eba katak ha’u tenke tama komarka tinan-3 no tenke sai husi servisu tanba dehan ha’u bosok nia. Buat hotu la loos, dehan ha’u halo dokumentus falsu ne’e la loos, dokumentus sira ne’e katak ha’u halo pedidu ho Paid, ha’u la bele halo pedidu ho paid tanba ha’u la’os ema ne’ebé halo busnis, tanba ha’u la’os ema ne’ebé fa’an kareta no ha’u la’os ema ida ne’ebé konaba pedidu ho paid ne’e. Maibe ninia na’in rasik maka urus, ha’u la urus konaba ida ne’e, akontese ne’e iha tinan kotuk kleur ona buat hotu agora prosesu la’o hela iha MP Dili numeru NUK mos kompletu hela, agora ha’u la simu no la satisfas maka buat hotu nia desfama ha’u depois nia posting ha’u nia privadu ne’eba, ita hotu moris iha lei nia okos buat ne’e ita la simu, ita mai hato’o keixa iha MP, la’os ita ba desfama ema, posting ema tun sa’e ne’e buat ida ladi’ak” dehan Boaventura Xavier.
Enkuantu tuir Boaventura Xavier katak nia parte hato’o keixa iha Ministeriu Publiku hodi hasoru ALC tanba ho razaun katak aktu ne’ebe ALC halo ba nia sai viral iha media sosial ne’e la loos no falsu.
Jornalista : Julio Salinas
Editor : Chamot Nahac
