Covalima ( RCCT ) 27-04 -21Grupo Moris Hamutuk Dezemvolve ba Futuru hari’i ho objetivu atu halo dezemvolvementu iha seitor agricultur hodi kuda ou hakiak ma’ek no ai horis sira.
Kasu Lia ba Radio Cova Taroman Xefe Grupu Moris Hamutuk Dezenvolve ba Futuru Lino de Jesus Alves hateten wainhira organiza malu hodi hari’i grupo ida ne’e no hahu ho lere ka hamos to’os hektare sia ( 9 ) ho objetivu prinsipal atu kuda ma’ek no kuda Ai-horis sira iha to’os laran.
“Iha Ami nia Grupo ida ne’e, atu organiza lere to’o, prioridade primeiro ami atu kuda ma’ek, alende ida ne’e mos ami atu kuda Ai-dila, Ai-kakau, no mos ami sei iha planu seluk tan, depois ami mos kontaktu ona Estensionista Postu nian, husi Ministerio Agrikultur atu Apoio ami” Katak Lino.
Xefe grupu ne’e afirma razaun Grupo ne’e Kuda Maek tandera Maek ninia folin di’ak iha Merkaduria.
“Ita nia Inan ho Aman to’os na’in sira hatene hotu dehan Ma’ek ne’e iha ita nia Nasaun Timor-Leste mos iha, maibe iha mos diferente Ma’ek iha Ita nia Nasaun ne’e fuik mak barak liu iha ailaran, entaun oinsa ami mos aprende liu husi buat barak, entaun Ma’ek ida nebe mak ho folin nebe di’ak ho ida ne’e mos ami prepara fatin nebe ho Rai hektares 9, nebe ami atu kuda Ma’ek ne’e tanba ho folin nebe mak di’ak, ho folin ida ne’e mos, bele dezenvolve ami nia nesesidade lor-loron nian” Tenik Lino
Entenrtanto Grupo Moris Hamutuk Dezemvolve ba Fururu hamutuk iha membro ema na’in sanulu resin lima ne’e hari iha Aldeia Kulu Oan Suco Tazhilin Postu Administrativo Zumalai Municpio Covalima.
Jornlista : Asato Soares
Editor : Chamot Nahac
