Covalima (RCCT) 09-04-25- Governu Timor Leste husi Ministeriu Dezenvolvimentu Rural Habitasaun Komunitaria (MDRHC-Sigla Portuguesa) Preve osan hamotuk Dolar Amerika Rihun Atus Haat Sanulu ($ 410,000.00) hodi promove aldeia 10 iha munisipiu covalima liu husi programa Rehabilitasaun Komunitaria.
Aldeia 10 ne’ebé sai alvu ba programa Rehabilitasaun Komunitariu husi MDRHC iha Munisipiu Covalima mak, Postu Administrativu Suai, Maukatar, no Postu Administrativu Tilomar, ne’ebé distinadu iha area prioritiza ba potensia peska, agrikultura, hortikultura, no pekuaria.
“Husi programa Rebitalizasaun Komunitaria ita preve orsamentu ho montante Dolar Amerika Rihun Atus Haat Sanulu ($ 410,000.00) ba iha tranferensia publiku, husi orsamentu ida ne’e ita halo ejersisiu hodi agrupu orsamentu sira ne’e fo apoiu diretamente ba aldeia sira ne’ebé sai alvu ne’e aprova husi ministru, orsamentu jeral estadu 2024, ita iha aldeia 70 nudar aldeia alvu inklui aldeia 10 iha Covalima,” Diretór Jeral Ministeriu Dezenvolvimentu Rural Habitasaun Komunitaria, Filipe Cardoso ba jornalista sira iha Covalima Kuarta (09/04), informa.
“Ligadu ba iha kapasidade ejekusaun orsamentu, programa ne’ebé ita defende bainhira aprezenta ba iha komite revizaun orsamentu iha parlamentu ita konsege hetan aprovasaun orsamentu ba iha transferensia publika $ 3,5 milloens, husi orsamentu $ 3,5 milloens ne’e maka ita hodi halo ba aldeia alvu 70 iha teritori tomak maka aldeia balu hetan osan ho montante rihun hat nulu ($ 40,000.00) no balu hetan $ 50,000.00, inklui aldeia 10 iha Covalima, enkuantu orsamentu ne’ebé estinadu mai iha munisipiu Covalima ba aldeia alvu 10 total orsamentu hamutuk $ 410,000.00” Tenik Filipe.
Ministeriu Dezenvolvimentu Rural Habitasaun Komunitaria, aloka orsamentu $ 410,000.00 fahe ba aldeia 10 hodi finansia atividade ne’ebé prioritiza ona distinadu ba potensia peska, agrikultura, hortikultura, no pekuaria.
“Bom orsamentu ne’ebé nudar sunvensoens publiku hodi transfere direita ba iha kada aldeia alvu, orsamentu ida ne’e atu finansia atividade ne’ebé sira prioritiza pur aldeia ligadu ba iha pontensia ne’ebé maka definidu, purtantu iha aldeia balu potensia ba iha peska, iha aldeia balu potensia ba iha agrikultura, hortikultura, pekuaria, ida ne’e maka atividade ne’ebé sira prioritiza ne’ebé defini para atu bele utiliza hodi orsamentu subvensoens publiku bele finansia grupu sira hodi bele hahu dezenvolve sira nia atividade” nia dehan.
Ministeriu Dezenvolvimentu Rural Habitasaun Komunitaria, eskolla Aldeia 10 iha Munisipiu Covalima ne’ebé lokaliza Postu Administrativu Suai, Suku Kamanasa, Aldeia Manekin, Suku Beko, Aldeia Beko, Labarai, Aldeia Holba, no Suai-Loro, Aldeia Loro, Mane Ikun, Lo’o no Aldeia Sukabi Laran.
Postu Maukatar iha Suku Matai, Aldeia Kuna’in. Nune’e mos iha Postu Tilomar iha Suku Maudemo, Aldeia Faularan, Suku Lalawa iha Aldeia Salele Bo’ot.
Entretantu husi Aldeia 10 ne’e, Aldeia 9 mak hetan osan $ 40,000.00 kada aldeia no Aldeia 1 (Aldeia Loro) mak hetan osan ho montante $ 50,000.00.
Jornalista : Julio Salinas
Editor : Chamot Nahac
