Covalima (RCCT) 05-06-25-Governu hamutuk ho autoridade suku, lian na’in no komunidade sira iha Aldeia Dais, Suku Belekasak, Postu Administrativu Maukatar hala’o ona serimonia ritual ba konstrusaun jardim ba heroi sira iha Munisipiu Covalima.
Iha serimonia ritual ne’e, Sekretariu Estadu Asuntu Kombatente Libertasaun Nasional, Cesar dos Santos da Silva “Merak” informa hetan ona lisensa atribuisaun rai husi Terras no Proriedades ba knstrusaun jardim ba erroi sira iha Covalima Nune’e molok hahu halo atividade limpeza ba terrenu refere, Sekretaria Estadu Asuntu Kobatente Libertasaun Nasional hamotuk ho Autoridade sira hahu uluk ho serimonia ritual hodi hafolin kultura Covalima nian, Prisipalmente iha Belekasak, Postu Administrativu Maukatar.
“Ohin objetivu mai atu halo serimonia ritual hodi husu lisensa ba rai na’in sira no lulik sira hotu husi Covalima espesial ba Postu Administrativu Maukatar atu ita halo limpeza rai ne’ebé atribui ona legalmentu husi Teras Propriedades Munisipiu Covalima hodi bele hakoi restus mortais ne’ebé mak halibur hela iha iha Postu Maukatar, iha uma mahon rua. Ida iha Postu Maukatar rasik no ida ne’ebé mak uluk estabelesidu iha parte lo’okeu nian ne’ebé iha terenu kondisaun la permite tanba ne’e mak atu hodi muda mai fali iha Dais, Suku Belekasak nian” Sekretariu Estadu Asuntu Kombatente Libertasaun Nasional Cesar dos Santos da Silva “Merak”, hatete.
Reprezenta Autoridade Munisipiu Covalima, Sekretariu Munisipal Adiministrasaun no Finansas Alberto Moniz de Araujo, manifesta protidaun servisu hamutuk ba susesu konstrusaun Jardim ba erroi sira iha Munisipiu Covalima.
Autoridade ne’e mos rekuñese katak kondisaun Osuario iha Lo’okeu Postu Maukatar dadaun ne’e infrenta ona kondisaun ne’ebé la dignu atu hodi asegura erroi sira.
“Osuariu ida iha leten ne’e ninia kondisaun ne’e la di’ak ona tanba iha gapura mos monu ona tanba ne’e maka husi parte CCLN inkontru ho estrutura rejistensia nian sira deside ona katak fatin ida ne’e entre fatin ne’ebé mak sai hanesan sentru ba jardim errois Munisipiu Covalima nian. Autoridade senti orgullu tanba Sekretariu Estadu Asuntu Kombatente Libertasaun Nasional bele identifika ona hodi tau jardim errois ba ita nia Martires da Patria Sira” hatete sorin seluk Sekretariu Autoridade Munisipiu Covalima Alberto Moniz de Araujo
Enkuantu konstrusaun jardim ba erroi sira ne’e sei utiliza terrenu ho medida hetares hat, ne’ebé sei konstrui ho osan hamotuk dolar amerikanu rihun atus hat.
lokaliza iha Aldeia Dais Suku Belekasak postu Maucatar Munisipiu Covalima ho medida rai ektares haat no sei konstrui ho moNtante Orsamentu hamutuk Dolar Amerikanu Rihun Atus Haat.
Jornalista : Alfredo Barreto
Editor : Chamot Nahac
