Covalima (RCCT) 12-06-24-Governu liu husi Autoridade Protesaun Sivil, Sentru Solidadridade Sosial no Servisu Munisipal Protesaun Sivil Jestaun Dezastre Naturais Tersa (12/06) feira ne’e kontinua fo apoiu emerjensia ba vitima uma kain 215 husi Aldeia tolu iha Suku Suai-Loro, Postu Administrativu Suai, hafoin afeta ba inundasaun hodi avakua ba sentru evakuasaun munisipal iha loron 07 fulan junu soin lalais.
Komandante Operasional APC Covalima Inspetor Xefe Polisia, Flavio dos Santos Mendes, hatete apoiu ida ne’e hanesan kontinuasaun de’it tanba antes ne’e Ministra Solidadridade Sosial no Inkluzaun tun direita hodi apoiu ona suplementa balu ba familia afetadu inundasaun sira hafoin ekipa evakua ba fatin seguru iha sentru evakuasaun munisipal Covalima.
“Autoridade protesaun sivil servisu hamotuk ho ministeriu solidaridade sosial inkluzaaun ohin ita kontinua apoiu sasan sira hanesan non food item ho food item ba ita nia komunidade afetadu ne’ebé mometu iha sentru evakuasaun, apoiu sira hotu mai husi Ministeriu Solidade Sosial no inkluzaun mai husi momentu vizita ministra mai sentru evakusaun no sasan sira ne’e momentu pakote kedan no agora daudaun fahe ba ita nia komunidade sira ne’ebé afetadu hamotuk uma kain 215” informa Komandante Operasional APC Covalima Inspetor Xefe Polisia, Flavio dos Santos Mendes iha Sentru Solidaridade Sosial Munisipiu Covalima.
Komandante Operasional APC Covalima Inspetor Xefe Polisia, Flavio dos Santos Mendes, aleta ba komunidade atu kontinua matan moris neon na’in, bainhira akontese udan ho intesidade maka’as tenki buka hatene hodi hases an fatin sira ne’ebe risku ba dezastre naturail.
“Nudar Komandante Operasaun Autoridade Protesaun Civil Munisipiu Covalima ni’an hakrak hato’o mensajem ba ita nia komunidade sira ne’ebé afetadu ba inundasaun, hato’o nafatin ba sira katak ita sei akompaña nafatin previzaun tempu karik udan bo’ot iha tempu sira tuir mai matan moris nafatin, ita sei servisu hamutuk ho ita nia parseiru sira atu alerta ba komunidade oinsa kuanadu akontese inundasaun bele hadok husi fatin sira ne’ebé risku, depois iha posibilidade bele halo evakuasaun ba iha sentru evakuasaun atu nune’e komunidade sira sente seguru, karik ba oin previzaun tempu hatudu katak kondisaun ka situasaun udan la’o normal ona hato’o ba lideransa lokal sira liliu ba xefe aldeia, konsellu suku atu bele apoiu governu hodi hamos netik baleta no mos ponte ki’ik sira ne’ebé hasai foer sira atu nune’e mosu inundasaun ruma labele afeta ba komunidade sira nia hela fatin” nia dehan.
Entretantu Familia Afetadu Inundasaun iha Loron 7 ne’ebe evakua ba sentru evakuasaun husi Suku Suai Loro, Aldeia 3 mak hanesan Aldeia Loro, Lo’o no Maneikun Hamotuk membru familia 546 husi uma kain 222, ne’ebe molok ne’e iha sentru evakuasaun Munisipal, Familia 7 simbolikamente hetan ulun apoiu husi Ministeriu Silidaridade sosial, nune’e tersa ne’e kontinua governu kontinua distribui tan ba familia 215.
Jornalista : Julio Salinas/ Zavara Revolta
Editor : Chamor Nahac
