.png)
Asesor Prinsipal Asuntu Inkluzaun Sosial Gabinete Prezidente Republika, Gaspar Afonso, hatete alende distribui apoiu ne’e, hakrak rona mos preokupasaun hodi hatene kondisaun moris ema difisiensia iha suku kamanasa.
“Apoiu ida ne’e hale’u Timor laran tomak, ema balu dehan ita lori karidade hale’u, maibe intensaun ha’u nian uza maneira hanesan ne’e hakarak rona direita preokupasaun, hatene kondisaun ema ho difisiensia nian tanba ne’e maka ohin mai iha Kamanasa atu distribui ai han ida ne’e la’os tanba karidade, maibe tanba domin hakarak rona saida maka sira hato’o mai ha’u, sira nia presija loos ne’e maka saida? sira la’os presija deit hahan maibe sira hakarak moris ida ne’ebé dignu hetan atendimentu ida ne’ebé igual, hetan atendimentu ida ne’ebé justu. informa Asesor Prinsipal Asuntu Inkluzaun Sosial Gabinete Prezidente Republika, Gaspar Afonso, ba jornalista sira hafoin distribui ai han ba ema ho difisiensia sira iha Suku Kamanasa, Kuarta (10/07).
“ohin autoridade lokal balu hato’o mai ha’u katak tanba sa maka ami nia ema ho difisiensia to’o agora seidauk bele asesu ba subsidiu ne’ebé maka atribui husi ita nia estadu, tanba ne’e maka ha’u atu dehan ba entidade hotu-hotu ba nai ulun sira ko’alia inkluzaun sosial tenki hatene k’lean no tenke buka tuir nesesidade no kondisaun moris ema ho difisiensia nian, tan ne’e maka ha’u mai iha ne’e no ha’u sei la para rona sira nia preokupasaun sira ne’e hotu fila ba sei rekomenda ba ita nia nai Prezidente Republika atu ko’alia ba Primeiru Ministru atu hare didi’ak ema ho difisiensia nia moris, tanba ema ho difisiensia iha Timor-Leste la’os ida ka rua deit, maibe bazeia ba sensus hirak ne’e ema ho difisiensia besik rihun atus ida resin, tanba ne’e maka ha’u mai hakarak rona sira nia preokupasaun, hakarak hatene sira nia kondisaun, hatene didi’ak saida maka sira hakarak presija husi estadu ho govermunia tulun” Tenik Gaspar.
Administrador Postu Administrativu (APA) Suai, Ildefonso Maria Amaral, distribuisaun ne’e realiza tanba iha koloborasaun entre Autoridade suku ho juven no itelektual sira hamotuk ho administrasaun postu hodi halo pedidu husu apoiu husi Prezidente Republika iu husi Unidade Servisu Ikluzaun Sosial atu fo tulun ba ema ho difisiensia sira iha suku kamenasa.
“Iha semana kotuk liu ba enkamiña proposta ka pedidu ba iha Prezidente Republika liu husi Asesor Prinsipal Asuntu Inkluzaun Sosial, iha pedidu refere ami nia difisiente hamutuk ema na’in-84 iha Postu Administrativu Suai, Suku Kamanasa, ohin loron hetan apreovasaun ami nia pedidu ida ne’e tan ne’e maka ohin ami realiza distribui ai han ba maluk sira difisiente,” dehan Administrador Postu Administrativu (APA) Suai, Ildefonso Maria Amaral.
“hanesan autoridade postu agradese tebes ba ita nia nai Prezidente Republika hanesan ita nia aman iha fuan bo’ot tebes atu tulun ita nia difisiente sira, durante ne’e tuir ami nia observasaun balu susar tebes araska atu asesu ba aihan iha difisiente balu agora daudaun infrenta hela, iha Postu Administrativu Suai kompostu husi suku 5 maka hanesan ohin realiza fahe hahan iha Suku Kamanasa, no mos enkamiña kedas ha’u nia proposta ka pedidu bazeia ba levantamentu dadus ne’ebé mai husi suku, enkamiña proposta ba iha prezidente republika hanesan Suku Beko, Debos Labarai no Suai-Loro nian, proposta refere ami entrega ona ba iha Asesor Prinsipal Asuntu Inkluzaun Sosial Gabinete Prezidente Republika, Gaspar Afonso, ohin entrega kedas proposta ne’e hanesan autoridade husu ba prezidente republika atu bele tulun ka apoiu netik, hanesan administrador postu sei sei nafatin esforsu an oinsa atu bele enkamiña ami nia pedidu ka proposta ba iha ministeriu relevante sira” Tenik APA Suai.
Nune’e Asesor Prinsipal Asuntu Inkluzaun Sosial Gabinete Prezidente Republika, Gaspar Afonso, husu ba entidade hotu liliu ba ukun na’in sira atu hatene klean konaba inkluzaun sosial, tenki buka hatene konaba nesesidade no kondisaun moris ema ho difisiensia, nune’e hafoin rona sira nia preokupasaun hirak ne’e fila ba Dili sei hato’o ba iha Prezidente Republika oinsa atu bele hato’o ba iha governu hodi bele fo tulu ba ema ho difisiensia iha Timor-Leste, enkuantu distribui ai han ba ema ho difisiensia hamutuk na’in-84 ne’e hala’o iha sede Suku Kamanasa, Postu Administrativu Suai.
Jornalista : Julio Salinas
