Covalima (RCCT) 29-07-25-Diretór Ospital Referral Suai konsidera professional saude sira ne’ebé foin dadaun hala’o konferensia imprensa iha loron 24 fulan jullu hodi ejiji konaba pagamentu direitu tornu durante tinan ida nian ne’e laiha konsiderasaun no kuñesimentu husi konsellu diresaun ospital referral suai, basa la ho dadaus ne’ebé klaru no kredibel liu liu konaba numeru pesoal saude sira iha ospital suai.

Diretór Ospital Referral Suai, Domingos de Fatima konfirma asuntu ne’e liu husi konfrensia imprensa tersa feira ohin katak pagamentu direitu turnu ba pesoal saude sira durante tinan ida nian hahu husi jullu 2024 to’o jullu 2025, dadaun ne’e prosesu la’o hela.

“Konferensia pers ne’ebé halo husi pesoal saude ospital referral suai ne’e seim iha karta kuñesimentu ba konsellu ospital referral suai no konsidera konferensia pers refere la legal ne’ebé fo hanoin ba pesoal saude iha ospital referral suai, nafatin halo servisu hanesan baiabain hodi hein desizaun husi Ministeriu Saude konaba prosesu tomak ne’ebé agora la’o hela. Nafatin husu mos ba diresaun nasional iha ministeriu saude atu aselera prosesu verifikasaun hodi responde ba problema turnu ne’ebé mak mensiona” Diretór Ospital Referral Suai, Domingos de Fatima konfirma.

Domingos de Fatima mos rejeita konaba pesoal saude sira deklarasaun katak ospital referensia maliana no interna sira seluk halo ona pagamentu ba turno (over time) ne’e la los, basa dadaun ne’e ministeriu saude sei halo prosesu verifikasaun molok halo pagamentu.

“Konaba pagamentu turnu ba ospital referensia maliana no inetrna sira seluk halo ona pagamentu ba turno over time ne’e la los. Prosesu hotu hotu sei la’o hela tanba  hahu husi servisu sentrais ospital referensia sira seidauk halo pagamentu to’o agora tanba sira sei iha prosesu verifikasaun nia laran no konaba pesoal saude ne’ebé temi iha konferensi pers iha semana kotuk ne’e total 149. Dadus rekursu umanu ne’ebé la los katak ospital referensia Suai iha total funsionariu permanente 111 no kontratadu 55 no total hamutuk 166 pesoal saude ne’ebé iha direitu atu hetan turno ne’e funsionariu permanente deit” nia konfirma.

Jerente Ospital Suai ne’e mos kofirma konaba numeru professional saude iha ospital suai, hamotuk funsionariu 166 kompostu husi funsionariu permanente na’in 111 no kontratadu ema na’in 55. Nune’e sira ne’ebé iha direitu atu hetan pagamentu tornu (over time) ne’e ba deit funsionariu permanente sira.

Jornalista : Alfredo Barreto

Editor       : Chamot Nahac