Covalima (RCCT) 20-10-23–Diretor Sekretariadu Tekniku Administrasaun Eleitoral Munisipiu, Covalima Francisco Gusmão hatete relasiona ho eleisaun ba xefe suku sira ne’ebé sei akontese iha loron 28 fulan Outobru 2023 iha Covalima sei la’o ho di’ak tanba iha ona rekursu sufsiente.

Diretór STAE Covalima Francisco Gusmão garantia eleisaun ba xefe suku liliu iha Covalima sei la’o ho susesu tanba hafoin STAE halo rekrutamentu funsionariu kontratadu hanesan Pesoal STAE Apoiu Suku no Pesoal STAE Apoiu Aldeia, sira ne’e formadu ne’ebé prosesu eleisaun suku ne’e sei la’o ho da’ik, no preparasaun ne’ebé STAE halo maka primeiru fo formasaun funsionariu kontratdu sira atu bele hodi garantia eleisaun suku.

“Ita nia funsionariu kontratadu ne’ebe apoiu hanesan pesoal STAE apoiu suku no pesoal STAE apoiu aldeia ne’e ema ne’ebe maka rekrutadu, ema ne’ebe maka formadu tan ne’e hau garantia katak prosesu eleisaun suku iha tinan ida ne’e sei lao ho diak tanba sira ne’e ita hanorin ona kona ba faillansu ne’ebe atu akontese ne’e ita fo hotu ona ba sira iha formasaun ne’e, preparasaun ne’ebe STAE Munisipiu Covalima halo primeiru ita fo formasaun ba PSAS no PSAA ne’ebe formasaun ne’e akontese iha dia 4-6 depois iha dia 9-10 fulan ne’e ita fo formasaun ba konsellu suku sira iha 30 inklui aldeia sira formasaun hala’o iha postu ida-idak” informa Diretor STAE Covalima Francisco Gusmão ba jornalista sira iha nia kna’ar fatin STAE Covalima Sesta ne’e.

Nia dehan antes data eleisaun suku dekreta STAE munisipiu halo planu operasaional ida hodi submete ba iha diresaun STAE nasional, iha planu ne’e identifika ba sentru votasaun ne’ebe la asesu ba eletrisidade maka iha sentru votasaun 21 inklui sentru votasaun ne’ebe la asesu ba estrada iha Covalima ne’e tau iha planu.

“Antes ita nia data eleisaun ne’e dekreta husi konsellu ministru, antes ne’e mos husi STAE munisipiu halo ona planu operasional ida submete ba iha Ministeriu Administrasaun Estatal liliu ba iha ami nia diresaun jeral STAE nasional ne’ebe iha ita nia planu ne’e ita nia identifika ba sentru votasaun ne’ebe maka la asesu ba eletrisidade ne’e iha 21 sentru votasaun ne’e inklui ho postu Fatumea maibe foin daudauk Fatumea foin halo lansamentu eletrisidade ne’ebe iha ona eletrisidade, iha planu operasaun ne’e mos ita identifika kona ba kondisaun estrada sira ne’ebe araska atu bele asesu ba iha sentru votasaun sira, inklui kona ba viaturas atu transporta material ba iha sentru votasaun sira identifika viaturas 21 no hetan apoiu finanseiru hodi aluga transporte tula material ba sentru votasaun” nia dehan.

Entertantu Diretor Sekretariadu Tecniku Administrasaun Eleitoral Munisipiu, Covalima Francisco Gusmão eleisaun suku sei lao diak tanba iha rekursu sufsiente no hetan apoiu husi autoridade sira iha Covalima inklui hetan mos apoiu finanseiru husi nasional ba aluga viaturas atu transporta material ba iha sentru votasaun sira iha 30, Postu Administrativu 7, Munisipiu Covalima

Jornalista : Julio Salinas/ Baltazar Monis

Edito        : Chamot Nahac