Covalima (RCCT) -02-02-21- Na’in ba Rental Matar Nosa Martinho Noronha dos Santos, Konta ba RCCT, foti decizaun hodi loke Rental Matar Nosa iha Santa Rosa, Suai Debos tamba bazeia nia esperensia durante eskola iha Yogja Indonesia Kanseladu Martinho Print ninia Monografia.
Martinho hasoru difikuldade atu print nia monogrrafia iha rental nebe besik fatin nia eskola ba, Martinho hein hahu husi dader tuku hitu to fali kalan maibe la konsege kopia tanba ema barak liu fali fatin rental ka kopia.
“loke rental ida nee inisiativu rasik husi ha’u ,tamba ha’u mos iha historia klean ituan antes atu hahu loke rental ida n’e, waihira ha’u sei eskola iha Yogja Indonesia, iha tempo neba dezafia los ha’u tamba ha’u hein hahu husi tuku hitu daer to fali kalan atu print ha’u nia monografia maibe la konsege tamba ho historia ida ne’e mak ha’u hari rental ida ne’e” dehan Martinho.
Martinho Konfesa fundus hodi loke rental ne’e mai husi ninia familia no kolega sira neebe besik liu nia ho montante osan rihun ida resin .
“loke Rental ne’e ha’u hetan ajuda fundo husi ha’u nia familia no ha’u nia kolega nebe besik liu ha’u, osan sira ne’e hodi halo fundasi to hola ekipamento printer ho foto copy komputador no seluk tan hamutuk dolar rihun ida resin” Martinho hakotu.
Jornalista : Ansa Nunes
Editor : Chamot Nahac
