Covalima (RCCT) 09-10-25-Festival Fronteira ho tema jeral “Interkambiu Kultural ba Hametin Rekonsiliasaun” iha ne’ebé fahe ba komponente rua mak hanesan, Interkambiu Kultural maka foku liu ba relasaun no lasu kultura sira ne’ebé uluk liu iha molok kolonialista sira mai hafahe no mos iha 1999 depois funda tia Republika Demokratika Timor Leste (RDTL) no Repblik Indonesia (RI), relasaun hirak ne’e sai la metin ona. No komponentu ida seluk husi tema Jeral Festival Fronteira ne’e maka “Hametin Rekonsiliasaun entre Timor oan sira.
Ho ida ne’e reprezenta Governu Timor Leste, Ministru Administrasaun Estatal (MAE) Tomás do Rosário Cabral, hateten Interkambiu ne’e atu hametin lasu amizade iha liña fronteira entre Timor Leste no NTT Indonesia liu husi hamosu harmonizasaun estadu hodi fo moris hakmatek ba sidadaun sira.
“Ita Kultura ida deit, Modelu Ida deit. Interkambiu atu mai hametin fila fali amizade. Se ita kontribui maka amizade sei mai fila fali, Ita iha Problema intenus, iha Problema fronteiras. Ita buka solusaun ho estadu, mais ita tenki kria lai hamonizasaun estadu, se povu ne’e moris hakmatek, joven sira mos hakmatek, maka rekonsilisiasaun sei la’o” Ministru Administrasaun Estatal (MAE) Tomas do Rosario Cabral, hateten.
Diretór Exekutivu Chega! Hugo Maria Fernandes hatete, Governu Timor Leste realiza ona eventu Festival Fronteira ba dala tolu, iha tinan 2023, liu husi Festival Fronteira ne’e Chega ! Produz ona Livru rua konaba memoria koletiva, no iha 2024 iha pontu signifikante husi Festival Fronteira maka Timor Oan sira hamosu “Deklarasaun Dame Ambeno”.
“Deklarasaun Dame Ambeno ne’e ho nia rekomendasaun Importante mak ita atu buka solusaun ba ita nia problema sira liu husi dalan kultura, dalan nahe biti bo’ot. Tan ne’e atu fo kontinualidade bas aida maki ta hamotuk hakotu iha Oecusse, tinan ida ne’e ita konvida lia na’in sira husi munisipiu 13 atu mai fo sira nia hanoin, ita atu aprende husi sira konaba lala’ok kultura ne’e hodi kesi fila fali abut ne’ebé nakfokit tia ona ne’e” Hugo Maria Fernandes, dehan.
Iha fatin hanesan, Prezidente Autoridade Munisipiu Covalima, Miguel Armada Cardoso (Razão) afirma katak Interkambiu kultura ne’e importante ba jerasaun foun sira hodi bele dezenvolve no hametin liu tan ralasaun iha futuru.
“Covalima Orgullu tanba bele realiza Festival Fronteira iha ne’e, Hametin rekonsiliasaun liu husi lala’ok kultura ne’e importante tebes, Kultura mais importante, dala barak ita la’os sala ona tanba ho modernu” Prezidente Autoridade Munisipiu Covalima, Miguel Armada Cardoso (Razão) dehan.
Autoridade ne’e mos hato’o seja benvindu ba partisipante sira hotu tantu husi Rai Laran no mos Bainaka sira husi NTT Indonesia.
Reportazen RCCT
