Covalima (RCCT) 10-10-25-Governu Liu husi Minstru Administrasaun Estatal (MAE) ofisialmente loke Festival Fronteira 2025 ho tema jeral “Interkambiu Kultural ba Hametin Rekonsiliasaun” iha ne’ebé fahe ba komponente rua mak hanesan, Interkambiu Kultural maka foku liu ba relasaun no lasu kultura sira ne’ebé uluk liu iha molok kolonialista sira mai hafahe no mos iha 1999 depois funda tia Republika Demokratika Timor Leste (RDTL) no Repblik Indonesia (RI), relasaun hirak ne’e sai la metin ona. No komponentu ida seluk husi tema Jeral Festival Fronteira ne’e maka “Hametin Rekonsiliasaun entre Timor oan sira.
Reprezentante IX Governu Konstitusional atúal Ministru Administrasaun Estatal (MAE) Tomás do Rosário Cabral, hato’o apresiasaun CNC no SEAK, Administrasaun Munisipiu Covalima, tanba organiza ona Festival Fronteira 2025 iha Munisipiu Covalima hodi bele halibur Timoroan sira iha Timor-Leste no Timor Osidental hasoru malu atu bele kria paz, estabilidade no rekonsiliasaun.
“Lori governu nia naran ha’u fo apresiasaun. Ita hamutuk, ita kria paz no estabilidade, rekonsiliasaun hosi ita. Agradese ba Hotu hotu, ita nia hamotuk hodi garatia paz mak sei hetan susesu durante atividade ne’e la’o, agradese ba CNC no SEAK, Administrasaun Munisipiu Covalima, ne’e Organiza hodi halibur ita iha fatin ida ne’e” Ministru Administrasaun Estatal (MAE) Tomás do Rosário Cabral, dehan lia ne’e iha Kampu Ladi Suai, (09/10)
Hafoin remata abertura kontinua ho aprezentasaun dansa kultura husi Timor-Leste no Timor Osidental. Atividade ne’e hetan partisipasaun mazimu husi komunidade sira iha Munisipiu Covalima no hetan seguransa hosi PNTL no F-FDTL.
Reportazen RCCT
