Covalima (RCCT) 05-09-25-Sesta feira ne’e Falintil Forsa Defesa Timor-Leste (F-FDTL), liu husi Quartel General Fatuhada liu husi Tenente Infantaria Costantino Mendonça Ximenes, entrega sasan alimentasaun ba autoridade Munsipiu Covalima nune’e bele hodi tulun orfernatu no ema ho difisiensia sira iha Covalima.
Hafoin remata entrega sasan alimentasaun ne’e, Autoridade Covalima liu husi, Diretór Servisu Munisipal Protesaun Sivil no Jestaun Dezastre Naturais (SMPSJDN) Munisipiu Covalima, João Martins, hatete sasan alimentasaun ne’ebe Forsa sira entrega ba iha autoridade Covalima ne’e kompostu husi item 13, no sasan hirak ne’e sei distribui ba difisiensia no orfanatos sira iha Uma Mahon Salele.
“F-FDTL ho Ministeriu Defesa fo apoiu ai-han basika ba ita nia ema ho difisiensia ne’ebé hela ho madre sira, ne’ebe hamutuk iha item 13 mai iha Autoridade Covalima atu kontinua fo apoiu ba ita nia komunidade sira” Diretór Servisu Munisipal Protesaun Sivil no Jestaun Dezastre Naturais (SMPSJDN) Munisipiu Covalima, João Martins, Informa.
Autoridade Munipiu Covalima liu husi Diretór Servisu Munisipal Protesaun Sivil no Jestaun Dezastre Naturais (SMPSJDN), João Martins, apresia ho apoiu ne’ebé mai husi Falintil Forsa Defesa Timor-Leste (F-FDTL).
“Iha fulan hirak nia laran apoiu ona ita nia komunidade sira vuneravel no mos difisiensia sira, maibe ohin agradese ba ita nia forsa sira mai haforsa no hakbi’it tan autoridade nia forsa atu hodi fo apoiu ba ita nia komunidade sira ne’ebe maka presija ita nia tulun” nia dehan.
F-FDTL Apoiu nesesidade baziku ba orfernatos sira iha Munisipiu hotu iha teritoria timor leste, inklui mos Munisipiu Covalima, iha ne’ebé sasan alimentasaun sira ne’ebe F-FDTL sira entrega ba iha Autoridade Covalima sei distribuisaun ba orfanatos difisiensia sira iha uma Mahon Salele, TIlomar. Egkuantu nesisidade baziku hirak ne’e maka hanesan mie Sedap dos-28, masin midar ho saku-4 (kada saku kilo ho grama 50), tuna enak/Deho kaixa-2, mina tein kaixa-3, foos ho ho kilo grama 25 saku-50, susu enak kaixa-5, kafe kaixa-2, rinso kaixa-2, sabaun haris kaixa-2, masin kaixa 2, pepsodent kaixa-1 no eskova nehan kaixa-1.
Jornalista : Julio Salinas
Editor : Chamot Nahac
