Covalima (RCCT) 13-08-2026-Diretor Escola Secundario Tecnico Vocasional (ESTV) Akar Laran Paulo Gusmão kuarta-feira (12/08) ne’e ba Jornalista sira informa, Eskola Secundario Tecnico Vokasional (ESTV) Akar Laran menus Ekipamentus pratika husi departamentu Hotelaria Turismu, Derpartamentu Agraria no Departamentu Peskaria no nia husu ba Ministeiro Edukasaun liu husi Secretario Estadu Ensino Secundario Jeral no Tecniku Vocasional atu hatan ba perkupasaun hirak ne’e.
Ami nia ekipamentus Pratika nian mak menus la halimar liu liu ba iha departamentu Hotelaria Turismu la iha liu kedas Derpartamentu Agraria maizoumenus sei iha tanba ami sei iha hand traktor hodi bele fila rai, depois ba Departamentu Peskaria hela deit tinan ne’e tanba dezimu sigundu ano deit ona tanba estudante la iha dala ruma tinan oin mai bele amiasa bo’ot dala ruma mos bele taka, ne’ebé ami nia perkupasaun ba fasilidade Eskola menus, Protesaun moru maibe aumenta deit rede mos bele asegra ami nia eskola ho di’ak. Ami iha komputador sanulu (10) inklui ho administrasaun nian, Hand Taktor 4 tanba ne’e ami hakrak hato’o ba Nasional sira ami presija Komputador Tolunulu (30) no ba Traktor ne’e laos hand traktor maibe Mini Traktor ida tenke rai iha ami nia eskola. Ba Hotelaria Turizmu se bele karik Mini hotel ida ba iha departamentu Hotelaria Turizmu atu nune’e hodi pratika no bainhira husi nasional tun ba Visita bele Deskansa iha ne’eba. Paulo Gusmã, relata.
Hatan ba perkupasaun ne’e Secretariao Estado Ensino Secundariu no Tecnica Vocasional Domingos Lopes Lemos informa, sei tau prioridade ba Eskola Secundario Tecnico Vocasional (ESTV) Akar laran liu ba ekipamentus ICT.
Ita nia Stok komputador ba Eskola Tecnico Vocasional sira agora iha hela depois ita hare tok posibilidade, depois ita mos iha planu ba futuru husi UNDP nian halo instalasaun ba ICT iha Munisipiu lubuk ida ona no eskola Sanulu-resin Lima mak ita halo ona agora daduk ita nia planu ba oin ne’e atu bele abrazen ba Escola Vocasional no Ensino Secundariu Jeral sira hotu tanba ida ne’e ha’u hanoin ita tau mos preoridade ba escola Akar Laran liu liu ba ekipamentu ICT, tuir programa ne’ebé sira iha ne’e kada eskola ida hetan trinta (30) komputadores depois ho solar panel kedas ita fo sira mak halo intalasaun no rehabilitasaun sira ne’e hotu. Domingos Lopes Lemos, Informa.
Escola Secundario Tecnico Vocasional (ESTV) ho total Estudante hamutuk nain Atus Ida sanulu-resin lima (115) professor hamutuk na’in tolunulu-resin rua (32), Guarda na’in ida (1) ho Administrasaun jeral na’in ida (1).
Jornalista J Correia
Editor Paul Mandeu
