COVALIMA—-estudante iha Munisípiu Covalima hamutuk ema na’in-18.420 maka sei asesu ba Programa Merenda Eskolár (PME) tinan ida ne’e nian kompostu husi Eskola Bazika Central hamutuk-23 inklui eskola katolika-3.
“Alunus ne’ebe han iha tinan ida ne’e, hau la sala tinan uluk total alunus hamutuk ema na’in-14.209, maibe agora tinan ida ne’e total estudante atu han iha eskola liu husi PME hamutuk ema na’in-18.420, ne’e kobre hotu alunus iha Covalima laran tomak, kompostu husi EBC 23 inklui eskola katolika-3” informa
Iha nia intervensaun hafoin hala’o lansamenti ba PME iha Covalima ne’ebe hala’o iha EBC Ladi, Suku Kamanasa, Postu Administrativu Suai, segunda (03-04).
Nia husu ba diretor eskola sira liliu diretor fiskalizasaun no Diretór Serbisu Agrikultura Munisipiu Covalima atu serbisu hamutuk diak liu tan, nune’e PME ne’ebe implementa agora bele fo benefisiu mos ba agrikultor sira badinas halo to’os hodi hasa’e aihan husi to’os laran.
Nia husu ba diretor eskola sira hotu atu toma atensaun ba PME ne’e tanba buat sira ne’e hotu lao gasta orsamentu estadu nian.
Nia dehan total orsamentu ne’ebe gastu ba PME iha Munisipiu Covalima ho montante hamutuk millaun $ 1 resin ba tinan ida nia laran.
Nia husu diretor eskola sira katak maske PME ne’e laos kaer direita husi diretor eskola sira, maibe Ekipa Jestaun Programa (EJP) sira maka kaer, mais husu diretor eskola sira nafatin akompaña atu nune’e esrudante sira bele hetan benefisiu PME ne’e.
“Orsamentu ba PME ne’e ita nia EJP sira maka kaer, mas husu ita bo’ot sira liliu diretor eskola sira atu nafatin akompaña nune’e ita nia oan sira ne’ebe asesu ba PME ne’e bele hetan benefisiu” nia hakotu.(Azu)
