Covalima (RCCT) 06-03-24-Estudante husi Universidade Ayoma Japaun hamutuk ema na’in 6, Kuarta (06/03) ne’e hala’o vizita ba estudante sira ne’ebé durante apende lingua (lian) Japonês iha Suku Maudemo, Postu Administrativu Tilomar, Munisipiu Covalima.
Reprezentante Estudante husi Universidade Ayoma Japaun, Mai Kurosawa hatete, husi Japaun mai iha Covalima hakarak hasoru direta estudante sira iha Salele basa durante ne’e aprende lian Japonês, liu husi meiu Internet kada semana atraves de plataforma sosial media zoom on line.
“Ha’u estudante husi Universidade Ayoma Japaun agora ami na’in 6 mai iha Salele atu hanorin labarik sira tanba ami iha Japaun semana-semana hanorin lian Japaun ba labarik sira liu husi zoom on line, ami grupu estudante husi Japaun gosta Timor no agora mai pasiar hodi hanorin labarik sira no sira atu ba eskola, ami hanorin labarik sira ne’e kleur ona, ha’u agora estuda iha Universidade Ayoma Japaun tama ona ba semester 6, maibe ha’u hahu husi semester 1 hahu hanorin lian Japaun ba labarik sira iha Salele semana-semana liu husi zoom on line, agora ha’u bele hasoru sira direita, abin sira ne’e maka ajuda hanorin mais zoom ne’e dala ruma jaringan at (ladi’ak) rona la mos tanba dala barak akontese udan halo lian kotu-kotu ne’e susar uitoan maibe agora ami mai ona bele hanorin direita ami kontente loos” dehan Reprezentante Estudante husi Universidade Ayoma Japaun, Mai Kurosawa ba jornalista sira iha Salele.
Formadora Lian Japaun Esterlita Bui Monis ne’ebé hanorin lian Japonês ba labarik sira iha Salele hahu kedas iha ambito Covid-19 senti kontenti tanba klase ba lian Japaun iha covalima uniku implementa deit iha Salele nune’e agora iha ona estudante hamotuk na’in 31 nia hanorin iha salele.
“Ha’u nudar profesora hanorin labarik sira ho lian Japonês, ha’u sente orgullu tebes tanba Japonês foin primeiru ves iha Covalima, ha’u maka aprende primeiru husi Covid-19 nia laran to’o agora, no agora hau sai ona formador ida ba labarik sira no ba oin hau hakarak hanorin tan estudante sira ne’ebé mak iha vontade atu mai aprende lian Japonês liu husi maneira hakerek ne’e foin nivel primeiru baziku hafoin ida ne’e maka ami kontinua fali aprende liu husi zoom on line ne’e profesor Yuke Sen Sey husi Japaun maka hanorin rasik liu husi online nia la mai agora nia iha Japaun, agora estudante iha Salele ne’ebé oras ne’e mai aprende lian Japaun hamutuk na’in-31” nia informa.
Nune’e mos reprezentante estudante sira Mazuniza Isabela Monis Lopes ne’ebé aprende lian Japonês iha salele dutante tinan ida ona senti kontenti tanba bele hasoru malu direta formadora sira ne’ebe durante hanorin sira liu husi Zoom On line.
“Ha’u aprende kona ba lian Japaun ne’e tama ona ba tinan ida, liliu aprende kona ba helekana, katakana, lee, hakerek kanta no seluk tan” nia espresa.
Entertantu reprezentante husi Universidade Ayoma Japaun ne’ebé durante ne;e hanori Timor oan sira liu husi deit zum on line maibe ohin sira bele to’o direita hodi hanorin labarik sira iha Salele, no oras ne’e daudaun estudante sira ne’ebé aprende lia Japaun iha Salele hamutuk na’in 31, enkuante estudante husi universidade Ayoma Japaun hala’o vizita ba mos iha Eskola Secundaria Geral Publiku Suai Klase paralela Salele, objetivu husi visita ida atu enkoraza estudante sira bele mos aprende lia Japaun.
Jornalista : Julio Salinas
Editor : Chamot Nahac
