Covalima (RCCT) 10-01-24-Estudante foun hamotuk ema na’in 497 tuir ona orientasaun iha Eskola Sekundaria Jeral Publiku (ESGP-Sigla Portuguesa) Suai, hafoin parte eskola liu husi konsellu estudantil halo preparasaun no kria kondisaun ne’ebé digno ba estudante foun sira.
Profesor Matadalan konsellu Estudante Julião Cardoso hatete, difini tuir despaixu husi ministeriu edukasaun katak eskola sekundaria publiku jeral suai simu deit estudante hamotuk ema na’in 540 ba anu letivu 2024.
“indika ba despaixu, eskola katak ami tenki simu deit kandidatu ba ano letivu 2024 nian ne’e iha deit 540, liu husi ne’eba mak ami foin difini lolos ba kandidtu sira nia naran bele alista ona iha eskolar sekundaria jelal publika suai, maka foin bele tuir orientasaun, total ba kandidatu orietasaun nian ne’ebé mak ami difini ka tuir lista inskrisaun nian iha total 540 pesoas ba mane iha total 230 pesoas 280, total ne’ebé tuir orietasaun mak iha 497 pesoas mak tuir, falta estudante na’in 43 maka la tuir orientasaun maibe ami sei kria mos tempu balu atu nune’e bele halo faze darak ba sirabele halo orientasaun” Esplika Profesor Matadalan konsellu Estudante Julião Cardoso ba RCCT Kuarta (10/01) iha resinto ESGP Suai.
Jarsildo Maria da Cruz Bau informa Komisaun organizadora halo ona preparasaun masimu molok hahu orientasaun ba kandidatu estudante foun iha ESGP Suai ne’ebé sei realiza durante loron 3 Hahu Kuarta ohin no ternina iha sexta Semana ne’e.
“iha ami nia preparasaun ba orientasaun ida ne’e ami prepara iha fulan kotuk, dezembru tinan 2023, ami prepara masimu ba ami nia panetia pendamping sira atu prepara sira nia materia, mos atu fahe ba alin kandidatura sira atu nune’e orientasaun ne’e bele lao ho di’ak no mos la’o tuir lei ne’ebé ami fo, sira komesa ohin loron 10 hotu iha loron 12” katak Jarsildo.
Entretantu Profesor Matadalan estudante iha ESGP Suai Julião Cardoso hameno ba Kandidatu estudante foun sira atu kumpri orientasaun hodi kuñese di’ak liu ambiente iha eskola molok hahu prosesu aprendizajen.
Jornalista : Moichung
Editor : Chamot Nahac
