.png)
Covalima (RCCT) 17-07-24–Tama ona ba loron datoluk, Estudante sira husi Ensino Baziku Central (EBC) Ladi ne’ebé kompostu husi klasse 7º ano, 8º ano, no 9º ano hamutuk ema na’in-430 tuir ezame segundu trimestral la’o ho di’ak.
Diretór EBC Ladi Hermengildo Assis Martins, hatete ezame iha EBC Ladi lao ho di’ak tanba hetan observasaun direita husi inspetor eskolar sira.
“Iha prosesu aprendizajem ami forma komisaun organizadora elabora pontus prepara ba 15 de Jullu 2024 atu hahu ezame ba segundu trimestral nian, ne’ebé komesa iha segunda 15 de Jullu ne’e ezame iha EBC Ladi la’o ho di’ak, profesor sira partisipa hotu, estudante sira husi 7º ano, 8º ano, no 9º ano iha eskola ida ne’e hamutuk estudante 430, prosesu ezame iha EBC Ladi la;o di’ak tanba hetan akompaña husi inspetor sira” dehan Diretór EBC Ladi Hermengildo Assis Martins, ba jornalista iha nia k’nar fatin EBC Ladi.
Hermengildo haktuir durante prosesu ezame tama ona ba loron datoluk maibe EBC Ladi la’o ho ho di’ak la hasoru difikuldade ruma.
“Iha ne’e difikuldade laiha tanba alunus hotu tuir ezame, depois estudante sira moras mos laiha, ne’ebe laiha difikuldade, profesor hotu partisipa hodi fo ezame ba estudante sira” informa Diretór EBC Ladi Hermengildo Assis Martins.
Nune’e mos Diretór EBC Ladi Hermengildo Assis Martins, hatete prosesu ezame ba segundu trismestral iha EBC Ladi, estudante sira maioria partisipa hotu iha ezame refere, no laiha estudante moras, no ezame ne’e hahu iha segunda feira to’o sabadu semana.
Enkuantu total estudante iha EBC Ladi ema na’in-430 kompostu husi klase 7º ano iha ema na’in-158, klasse 8º ano ema na’in-126, no klasse 9º ano iha estudante hamutuk ema na’in-146.
Jornalista : Julio Salinas
