Covalima (RCCT) 07-07-25-Estrutura Partido no Kuadrus Politik Demokratiku (PD) Munisipiu Covalima lamenta hodi kondena ba desizaun ne’ebé Prezidente PD Munisipiu Covalima, Julio do Carmo, hola hodi realiza konfrensia PD nian iha Postu Administrativu Maukatar ne’ebé realiza iha sabadu loron 5 fulan jullu 2025 iha Talioan, Suku Ogues.
Estrutura Partido no Kuadrus Politik Demokratiku (PD) Munisipiu Covalima hato’o lamentsaun ne’e liu Konfrensia imprenza ne’ebé hala’o iha Sede PD iha Ahinarai, Segunda loraik ne’e.
Liu husi Porta Voz Francisco Cardoso, manifesta katak aktus ne’e nudar pratika des konsiderasaun no desvalorizasaun ba lideransa Munisipal sira ne’ebé dadaun asumi hela kargu iha PD ne’ebé eleje iha kongresu Munisipal tinan 2016. Konsidera katak aktus ne’e nudar pratika desobedensia ba sikular husi diresaun nasional partidu demokratiku ne’ebé liu husi Consellu Executivo Nasional (CEN) determina ona kalendariu konfrensia Postu Administrativu no Munisipiu. Maka Estrutura no Kuadrus PD Covalima konsidera konfrensia Postu Adminstrativu Maukatar ne’e ilegal,
Porta Voz Francisco Cardoso husu ba Konsellu Suprior Partidu Demokratiku atu :
- Annula rejultadu konfrensia Postu Administrativu Maukatar ne’ebé unilateralmente halo husi prezidente PD Munisipiu Covalima Julio do Carmo.
- Husu ba CEN atu halo verifikasaun ba baze de dadus Postu Administrativu Maukatar, tamba prezidente PD Munisipiu Covalima halo ajustamentu Aldeia no Suku hodi esklui responsavel tuan sira iha Aldeia no Suku.
- Husu CEN atu mantein no kumpri nia desizaun liu husi sirkular ho numeru 02/CEN-PD/VI/2025, ne’ebé hasai iha loron 14 de juñu 2025.
- Husu ba CEN atu kordena direitamente atividade konfrensia Postu Administartivu no konfrensia Munisipiu iha Covalima tamba prezidente PD Munisipiu Covalima Julio do Carmo la halo kordenasaun, koperasaun nem fo koñesimentu ba Konsellu Exekutivu Munisipal, Konsellu Politiku Munisipal no orgaun masa PD Munisipiu Covalima.
- Husu ba CEN atu foti asaun rigoroju ba ninia aktus manipulasaun no desobedensia hodi privatiza PD iha Munisipui Covalima ba nia interese pessoal no grupo. Wainhira CEN la halo asaun regiroju ba nia aktus manipulasaun no desobedensia maka sei kria des unidades entre kuadrus PD Munisipiu Covalima no bele ameasa harahun PD iha Munisipiu Covalima.
Porta Voz Francisco Cardoso Hakotu.
Jornalista : Julio Salinas
Editor : Chamot Nahac
