Covalima (RCCT) 21-06-24-Eskola Sekundaria Geral Publiku (ESGP) Suai, Klasse Paralela Salele infrenta laiha ekipamentu atu apoiu profesor sira hanorin iha aula teknolojia multimedia hodi halo pratika liu liu konaba ba komputardor.

Asistente Teknika Administrativa Klasse Paralela Salele João Maia, dehan durante estudante sira iha eskola Paralela Salele aprende deit teoria konaba teknolijia multimendia maibe laiha fasilidade apoiu hodi halo pratika ba estudante sira.

“Problema seluk maka hanesan iha prosesu aprendisazem liliu konaba teknolojia multimedia nian bainhira estudante sira aprede teoria deit maibe atu halo pratika ne’e maka araska uitoan tanba ita komputador laiha ne’ebé ita nia profesor disiplina sira buka meus uza liu husi telemovel durante ne’e, ida ne’e maka ami sente difikulta tebes tanba sira aprede tiha teoria maibe pratika laiha mos ha’u hanoin ladun apar ho saida maka sira aprende” dehan Asistente Teknika Administrativa Klasse Paralela Salele João Maia.

Nia dehan konaba disiplina sira seluk durante ne’e iha eskola Paralela Salele la’o di’ak, tanba iha manual ba profesor sira uza hodi hanorin estudante sira.

“Konaba disiplina sira hanoin la’o di’ak hela tanba ita iha manual profesor no manual do alunu ne’ebé profesor sira iha lori hanorin estudante sira, ho problema sira ne’e ami kestiona ba iha parte diresaun edukasaun nian liu husi eskola sentral ne’ebé ami halo ona pedidu balu mo sekretaria estadu mai ami fo tiha ona ami nia pedidu balu konaba problema ne’ebé ami hasoru inklui menus kadeira ho meza iha eskola refere” nia haktuir.

Entertantu tuir Asistente Teknika Administrativa Klasse Paralela Salele João Maia, informa maske klasse Paralela Salele hasoru problema konaba fasilidade teknolojia multimedia, maibe profesores sira iha eskola refere nafatin esforsu uza telemovel hanorin estudante sira wainhira halo teknolojia multimedia nian.

Jornalista : Julio Salinas

Editor      : Chamot Nahac