Covalima (RCCT) 19-07-24-Xefe Departamentu Base de Dadus Diresaun Nasional Planeamentu Peskiza no Dezenvolvimentu (DNPPD), Engineriu, Ricardo Januario D.J. Borges, hatete durante ne’e engeneriu infrenta failansu barak tanba seidauk domina utiliza Global Positioning System (GPS) hodi halo levamentu ba dadus iha terrenu.
“Kona ba falansu ne’ebé durante treinamentu ne’e maka iha engeneriu barak maka ladun domina ba iha uza GPS, tanba sira balu hetan ona formasaun ne’ebé iha koñesimentu maibe balu seidauk iha koñesimentu tanba foin primeiru ves tuir treinamentu konaba uza GPS ne’e, ne’ebé bazeia ba treinamentu durante loron tolu ne’e ha’u espera katak engeneriu sira ne’e bele mais la pursentu 100 maibe ho sira nia partisipasaun hodi tuir formasaun iha ona pursentu 50 sira bele iha ona koñesimentu uitoan kona ba uza GPS bainhira tun ba iha terenu hodi rekolla dadus liliu kona ba ponte, estrada, no seluk tan” dehan Xefe Departamentu Base de Dadus Diresaun Nasional Planeamentu Peskiza no Dezenvolvimentu (DNPPD), Engineriu, Ricardo Januario D.J. Borges, ba jornalista sira iha salaun Administrasaun Postu Administrativu Suai, (18/08)
Teknika Supervisor Diresaun Geral Estrada Ponte Prevensaun Kontrolu Cheias (DGEPPCC) Munispiu Aileu ne’ebé parttisipa mos iha formasaun ne’e, Engineria Rosita Antonia da Silva Pires, haktuir nudar engeneria ida presija tebes informasaun sira hanesan ne’e, atu hodi aumenta sira nia koñesimentu nune’e abele hetan difikuldade liliu konaba uza GPS bainhira hodi rekolla dadus iha terenu.
“Nudar engeneria ida atu hala’o servisu ami hanesan supervizor iha terenu presija tebes treinamentu sira hanesan ne’e, tanba treinamentu sira hanesan ne’e halai liu ba iha ami nia servisu ne’ebé atu nune’e ami bele hala’o ami nia servisu ho di’ak liu tan, tanba supervizaun atu kualidade di’ak liu ne’e presija duni treinamentu nune’e bele akapta hela saida maka presija hela iha terenu ne’eba no saida maka bele orienta hela ba kontraktor sira hodi bele hala’o servisu ho di’ak” nia dehan.
Enkuantu tuir Xefe Departamentu Base de Dadus Diresaun Nasional Planeamentu Peskiza no Dezenvolvimentu (DNPPD), Engineriu, Ricardo Januario D.J. Borges, hatete bazeia ba treinamentu durante loron tolu hala’o iha Covalima ba engeneriu sira husi munisipiu-4 hanesan Munisipiu Aileu, Ainaru Covalima no Manufahi ne’e ladun sufsiente tanba sira presija treinamentu hanesan ne’e beibeik atu nune’e sira bele iha esperiensia klean liu tan hodi bele implementa ba iha terenu, maibe atu kontinua treinamentu ka lae ne’e desizaun husi nivel altu sira, maibe Diresaun Nasional Planeamentu Peskiza no Dezenvolvimentu (DNPPD), fasilita de’it treinamentu.
Jornalista : Julio Salinas
Editor : Chamot Nahac
