Covalima (RCCT) 19-05-25-Durante ne’e akontese bebeik ona ema deskoñesidu halo asaun immoral, dada tali korta dalan no tuda kanek komunidade sira ne’ebé halo viazen liu husi Auto Estrada iha Area Zumalai, Maibe to’o agora Polisia Nasional Timor Leste liu husi Komandu Munisipiu Covalima seidauk idenfika hodi deskobre Autor sira.
Insidendente ne’e foin akontese tan iha loron 18 fulan maiu 2025, Juven Mane na’in rua ne’ebé halo viaze husi Dili mai Covalima ho motorizada, to’o iha Auto Estrada area kilometru 30-31 derepende hetan tuda husi ema dekuñesidu kona iha ai parte sorin los, rejulta juven mane na’in rua ne’e monu kedas latan an iha alkatraun.
“Ami viagen husi Dili mai Suai, mai to’o iha Jalan Tol area Zumalai nian, ema tuda iha ne’eba, deposi ami na’in rua kolega ne’e para, ema ne’e lori fatuk duni ami, pois ami rua tauk gas motor liu to’e iha Ospital Suai hodi konsulta, akontese ne’e iha tuku 5 lokraik. Ami la hatene oin maibe nia tuda ami malorek deit, nia oin ami hatene hela so nia dok itoan be la hatene los. Tuda kona ha’u nia ain ne’ebé husi ba parte PNTL Covalima hodi tau matan ba parte refere hodi nune’e viazen ba mai livre no seguru” Vitima Tito Moreira Borges Cardoso Esplika kronologia.
Relasiona ho akontesimentu ne’e Komandante Operasaun Munisipiu Covalima Superintendente Asistenti Polisia Joaquim da Costa deklara, parte PNTL seidauk identifika autor ne’ebé tuda joven na’in rua ne’e, maibe PNTL sei buka tuir autor hirak ne’ebé halo pertubrasaun no sempre tuda ema iha auto estrada refere hodi impede sidadaun sira nia movimentu iha estrada publiku.
“Relasional ho akontesimentu ne’ebé maka iha area jalan tol partensi suku Galitas, Postu Administrativu Zumalai ninian, akontesimentu ida ne’e klaru katak bazeia ba informasaun ne’ebé mak fo sai liu husi media Facebook katak los duni bainhira vitima ne’ebé mak asaltu, sira direitamente mai Iha hospital referal Suai, deposit sira halo tratamentu no informasaun ne’e ita rona no ita mos haruka kedas ita ninia ekipa patrolia sira husi Zumalai ba kedas iha fatin akontesimentu hodi konfirma katak akontesimentu ne’e akontese duni, informasaun ida ne’e mos ita akompaña husi media katak akontesimentu ne’e iha auto Estrada ne’e los duni katak rezulta joven ida mak hetan kanek ne’ebé tuda ho fatuk no kona duni iha nia ain fukun, ne’e kanek ki’ik bainhira ita konfirma iha mediku iha ospital referal Suai, ne’ebé patrollamentu ba ona iha fatin akontesimentu, ita halo aproxima ba iha Xefe Aldeia sira iha area ne’ebé mak hola parte iha iha Suku Thasilin, maibe sira dehan katak la rona no sira mos lahatene sitausaun ida ne’e, Ita nia ekipa sira agora halo konfirmasaun iha ne’ebé ita seidauk deteta lolos se mak halo asaun kriminal ida ne’e no agora dadaun ita fo ona servisu sekreta para atu oinsa mak atu buka informasaun sira relasional ho akontesimentu Ida ne’e” Komandante Operasaun Munisipiu Covalima Superintendente Asistenti Polisia Joaquim da Costa.
Entretantu akontesimentu ema deskuñesidu tuda komunidade sira halo viazen ba mai liu husi Auto Estrada la’os foin mak dala ida maibe akontese bebeik ona no foin akontese ikus mak iha loron 18 fulan maiu 2025, ne’ebé rejulta juven mane na’in rua hetan kanek.
Jornalista : Alfredo Barreto
Editor : Chamot Nahac
