Covalima (RCCT) 04-03-24- Diretóra Servisu Munisipa Edukasaun Covalima Rejeita ho infomasaun ne’ebe espalla relasiona ho ema estrajeiru husi Indonesia tama mai timor leste uja pasaporte hanorin voluntaria iha eskola sekundaria jeral publiku Suai kelase paralela salele.
Diretóra Elda de Fatima esplika Joven barak mak seidauk hetan servisu liu liu ba sira ne’ebe hasai lisensiatura edukasaun, sira iha kapasidade atu hanorin, maibe seidauk iha servisu.
“Balu espalla informasaun dehan katak ema uza pasaporte Indonesia mai hanorin iha salele, ne’e lalos ida, ne’e la los, iha ne’ebé mak ita nia nasaun ne’e ema uza pasaporte mai hanorin nian, ita nia Joven sira mos agora ne’e para hela, Lisensiatura bar barak hela, L.Ed Bara barak agora ita ba hatama fali ema iha Indonesia so deit sira la komprende” Diretóra Servisu Munisipal Edukasaun Covalima, Elda de Fatima esplika, Domingo ne’e (03/03) hafoin partisipa iha serimonia estandante badeira nasional hodi komemora loron veteranu ba dala 7 iha resinto Administrasaun Covalima.
Maske nune’e Diretóra Elda mos dehan merese ba Feto foun Covalima atu hanorin iha klase paralela maske ema estrajeiru tan ema ne’e iha kapasidade.
“ita nia feto foun Wajar nia hanorin, nia iha Kapasidade, ita nia feto foun iha kapasidade, nusa mak nia labele halo, pois nia la’os ita mak selu, ninia konsultan mak selu nia agradese kan, hanesan ne’e nebe lalika rona lia espalla oioin iha be iha liur ne’e, di’ak liu hare faktu no ita ko’alia hare ba faktus” tenik nia.
Dadaun ne’e profesor voluntariu ho espesialidade iha area edukasaun ne’ebé selu husi inan no aman estudante iha eskola sekundaria jeral publiku suai, partikulamente klase paralela Salele hamotuk ema na’in 19.
“ida ne sira voluntariu nain 19 ne’e sira ne’e so sira mai kontribui deit, maibe Inan Aman iha ona planu ne’e ho konselhu dos Pais ho inan Aman maka atu hanoin sira nia subsidi oan maibe la kontratu ho Ministerio Edukasaun mais Inan Aman rasik mak buka sira ne’e ho sira nia Konselhu dos Pais buka ema sira ne’ebé Tilomar oan depois sira begraun Edukasaun duni mak mai voluntario iha paralela salele iha na’in 10 resin ne’e maibe ne’e kontribui husi Inan Aman laos husi Edukasaun lae ” nia hakotuk.
Entrentantu dadaun estudante hamotuk ema na’in 317 mak hala’o aula apredijazem iha klase paralela salele, no profesor hamotuk na’in 46, kompostu husi asistente profesor ka voluntariu na’in 19, profesor parsial mai husi ensino basiku na’in 15 no profesor kolokadu husi eskola sentral nain 12.
Jornalista : Moichung
Editor : Chamot Nahac
