Covalima (RCCT) 30-06-25-Kompañia EDS Timor-Leste apoiu Komputador PC marka Lenovo hamotuk unidade 3, Labtop Uniade 6, guitar eletrik unidade 1 , makina suku roupa unidade 8, no kama besi hamotuk unidade 50 kadeira, meja no seluk tan ba Uma Mahon Salele,
Reprezenta Kompañia EDS Timor-Leste, Xisto Nau Colo, hatete Kompañia apoiu sasan hirak ne’e bazea ba pedidu ne’ebé Madre sira husi Uma Mahon Salele hato’o ba Kompñia.
“Ami husi kompania EDS hakarak hato’o kona ba apoiu ba Madre sira iha Uma Mahon Salele katak ho apoiu ne’ebé kompañia oferese hanesan kada item komputador iha unidade-3, laptop unidade-6, makina suku roupa iha unidade-8 maibe 4 instala ona no 4 seluk seidauk instala, kama iha unidade 50. Kompañia EDS apoiu ba uma mahon Salele nian sei iha presija maka kompania apoiu no hare ba pedidu ne’ebé madre sira hato’o” Reprezenta Kompañia EDS Timor-Leste, Xisto Nau Colo, ba jornalista sira iha Uma Mahon Salele Segunda (30/06).
Iha fatin hanesan Administrador Postu Administrativu Tilomar, Venancio Sarmento, apresia ba kompañia ne’ebé iha ho bo’ot apoiu ona sasan ba iha Uma Mahon Salele hodi hodi fasilita atividade loro loron nian ba komunidade nia oan sira ne’ebé durante hela iha Uma Mahon Salele.
“Hanesan autoridade Postu Tilomar orgullu no apresia ba kompañia ne’ebé bele ajuda ona ita nia Madre sira iha Uma Mahon Salele ho komunidade sira maka hela iha ne’e, iha ne’e kompania-3 maka ajuda hanesan kompañia EDS, Clardel, no kompañia RMS maka apoiu ona material elektroniku no la’os eletroniku” dehan APA Tilomar.
Enkuantu sasan sira ne’ebé kompañia EDS apoiu maka hanesan viola ida, viola eletrika ida, orgão (organ) ida, komputador 3, laptop-6, printer ida, makina suku roupa 8, kama individuais 50, kulsaun 50, almofadas 50, kadeira plastiku 50 no meja plastiku 50.
Jornalista : Julio Salinas
Editor : Chamot Nahac
