Covalima (RCCT) 15-07-25 Diresaun Munisipal Transporte no Komunikasaun (DMTK) Covalima hahu fasilita ona guia de marsa hodi fasilita komunidade sira ne’ebé uza transporte hanesan kareta viagen ba Malaka no Belu NTT Indonesia.
Diretór Diresaun Munisipal Transporte no Komunikasaun Covalima, Joaquim Gusmão, informa hahu iha inisiu fulan juñu foin dadaun, Diresaun Transporte no komunikasaun Covalima hahu atende sidadaun sira hodi trata dokumentu, guia de marsa ba transport ne’ebé hakarak utapaza ba Nasaun Vizinu Indonesia.
“Sim ita ko’alia konaba ita nia komunidade sira ne’ebé mak hakarak lori nia kareta rasik atu ba Indonesia ne’e hahu dia 3 dadauk ne’e ita komesa ona fo sai guia de marsa ba kareta sira ne’ebe mak atu ba Indonesia hahu kedas iha kinta sesta sabadu balu ba dadauk ona no ohin mos ida ka rua ba dadauk ona” Diretór Diresaun Munisipal Transporte no Komunikasaun Covalima, Joaquim Gusmão, informa.
Joaquinm Gusmão fundamenta katak, prazu guai de mars aba durasan semana rua sei selu kustu ho montante dolar amerikanu lima ($ 5,00).
“Selu ba iha diresaun Munisipal Transporte ne’e kustu viazen ba iha ne’ebé ne’e $ 5 dolar deit ba semana rua, maibe signifila la’os katak semana rua ne’e ba mai lae nia ba dala ida mai dala ida ne’e $ 5 dolar ninia tempu semana rua, por exemplu nia ohin ba to’o semana rua mak mai ou nia ohin ba fila kedas mos nafatin semana rua nia kustu nafatin $ 5 dolar” relata Joaquim Gusmão.
Entertantu atendimentu ne’e DMTK Covalima hahu halo iha Loron 3 fulan juñu tinan ne’e no guia de marsa ne’e hahu implementa iha Munisipiu rua mak hanesan Covalima no Bobonaro.
Jornalista : Alfredo Barreto
Editor : Chamot Nahac
