Covalima (RCCT) 02-04-24-Diretór Eskola Bazika Central (EBC) Bulo, Jose da Silva rejeita konaba estudante iha Eskola Baziku Filial (EBF) Ucekai, Postu Administrativu Zumalai, Munisipiu Covalima latuir ezame primeiru periode, ne’ebé espalla iha sosial media facebook husi akun ho naran Damaz Lopes Caldas iha loron 01 fulan abril 2024 hale’u oras tuku 02:14otl lansa informasaun katak :https://m.facebook.com/story.php?story_fbid=pfbid02KCjoTikHy5W8Agxt2CLV27bWW4PPaCcWbY3DobeKDKMAyJwLQ2Gbck1pLfKP6tK5l&id=100009425766515&mibextid=ZbWKwL

Maibe realsiona ho informasaun ne’e, iha loron 02 fulan Abril 2024, Diretór Eskola Bazika Central (EBC) Bulo, Jose da Silva, Via telefoni ba Radio Komunidade Cova Taroman korfirma katak, exame ne’ebé dadaun hala’o ne’e aplika deit ba eskola baziku siklu tolu no la inklui ba eskola baziku siklu ida no rua.

“Primeiru siklu no segundu siklu ne’e la halo ezame ba sira maibe so halo avaliasaun kontinuasaun, so sira sira husi terseiru siklu ne’e sira halo ezame, ne’ebé ho informasi ida dehan la halo ezame ne’e la loos, maibe sira iha ne’eba ne’e profesora kontratadu ne’e nia maka agora lidera hela husi 1o ano to’o 6o ano tanba alunus iha ne’eba menus liu, iha ne’ebé estudante 6o ano iha ema na’in ida de’it, ne’ebé iha eskola refere la halo ezame maibe halo de’it avaliasaun (ulangan) liu husi profesora kontratadu ne’e” dehan Diretór Eskola Bazika Central Bulo, Jose da Silva, via telefoni ba RCCT Tersa (02/04).

Diretór Eskola Bazika Central (EBC) Bulo, Jose da Silva, rejeita konaba estudante EBF Ucekai la tuir ezame, tanba eskola baziku primeiru no segundu siklu ne’e iha deit avaliasaun kontinuasaun ba estudante sira, tanba ne’e iha eskola refere, profesora kontratu na’in ida mak halo avaliasaun kontinuasaun ba estudante hahu husi Primeiru ano to’o sestu ano.

Publikasaun relevante iha Facebook: https://www.facebook.com/HaliburInformasaunTLS/posts/pfbid02Em7RzPgr781juqfPG1y9qsE39LBZKYFXzQMvn4bciHr1Lvr5ao35MjT4ViuiWeRKl

“Primeiru siklu no segundu siklu ne’e ezame laiha maibe halo de’it avaliasaun kontinuasaun maka iha ne’eba ne’e, maibe sira hatama iha media sosial ne’e dehan profesor laiha liu hodi hala’o ezame ne’e la loos, tanba iha profesora kontratadu na’in ida maka oras ne’e tau matan hodi halo avaliasaun ba estudante sira iha EBF Ucekai, informasaun dehan laiha liu profesor ne’e laloos” nia realsa.

Diretór ne’e, rekuñese menus manorin na’in iha EBF Ucekai, antes ne’e iha profesor hamotuk ema na’in 4, permanente na’in ida “Mate ona, iha tinan 2023” no kontratu na’in 3 ne’ebé kontratu remata iha tinan 2023, maibe, dadaun ne’e só uniku iha profesora kontradu na’in mak sei kontinua dedika nia an hanorin estudante sira iha eskola baziku filial Ucekai, maske nia kontratu mos remata ona.

“Iha ne’eba, uluk iha kordenador ida maibe iha tinan 2023 ne’e mate ona, hela profesor na’in tolu, maibe iha sira na’in tolu ne’e manorin na’in ida naran Fransisca ho Jaco iha sirkulasaun Ministra Edukasaun nian dehan hapara hotu sira nia kontratu 2023 ne’e, ne’ebé sira na’in rua oras para agora hela profesora kontratu na’in ida, ne’ebé nia maka agora daudaun sei hare hela estudante sira iha eskola refere hahu husi 1o ano to’o 6o ano,” Nia esplika.

Diretór Eskola Bazika Central Bulo, Jose da Silva, konkorda kuandu ema ruma lansa informasaun iha media sosial facebook katak menus manorin na’in iha EBF Ucekai, tanba situasaun ida ne’ebé realidade, maibe dahan profesor laiha hodi la hala’o ezame ba estudante sira ne’e informasaun la loos.Entertantu total estudante iha Eskola Bazika Filial Ucekai, Postu Administrativu Zumalai, hamutuk ema na’in 78, kompostu husi feto na’in 43 no mane na’in 35 .