Hanesan oan feto datoluk husi maun alin nain 5, Ohin iha loron 20 fulan junu angelita senti kontenti hetan tulun kadeira roda husi Centro Comunidade Covalima.
No apoiu ida ne’e hatur ai nanoik foun ba angelita barros nebe durante moris mai ho kondisaun difisiensia fiziku nia hetan tulun apoiu kadereira roda husi governu, maibe liu husi CCC mak angelita foin primenru ves hetan tulun kadeira roda.
La espresa nia agradesementu uja palavra, maibe liu jestu angelita ho kontenti tatoli nia obrigadu wa’in ba Centro Cominidade Covalima ba ba tulun kadeira roda ne’ebe fo ba nia.
Agelita nia inan Natercia do Carmo dehan ho tulun kadeira roda husi CCC ba nia feto Angelita, ida ne’e hanesan forsa ida hodi tulun sira no ajuda nia aon feto bele halo movimentu ba mai iha moris loro loron.
“Obrigadu ba mana ho maun sira nebe ajuda ona hau nia ona, ida ne’e hanesan hodi tulun hau nia oan hodi bele lao sai halimar ho nia maluk sira” Natersia agradese
Inan Natercia hatuir hikas, wainhira nia ona Angelita, moris mai rona manu kokorek dahuluk iha mundu hanesan oan datoluk, angelita moris mai laho kondisaun normal hanesan labarik sira seluk.
“Nia moris mai nune’e kedas ona, nia moris la hanesan labarik sira seluk, ida maromak nia hakarak” tenik nia
Koordenador Redusaun Risku Dezastre no Saude iha CCC Januariu de Fatima, hatete ho sentimentu umanu CCC halo asaun solidaridade ne’e ba Angelita atu hodi hakman sofrememtu nebe durante tinan 16 Angelita infrenta konaba la hetan tulun kadeira roda.
Januario fundamenta, durante CCC pratika asaun solidaridade hamotuk ho ninia parseiru belun ho suai hodi fo tulun ba maluk ho difisiensia.
Nune’e mos CCC durante halo Advokasia ba komunidade no mos lideransa komunitaria nune’e bele apoiu no mellora inkluzaun no asesu ba ema ho difisiensia sira nia diretu.
“ Ne’e hanesan sentimentu umanu ne’ebe CCC fo hodi tulun, Alin Angelita, ita laiha buat barak maibe apoiu ida ne’e bele ajuda nia no familia,” esplika Januario ba Jornalisra sira
Januriu dehan tan, CCC Apoiu no forma ona grupu ho difisiensia ida iha suku Lalawa hodi tau matan no apoiu ba nesesidade lor loron ba ema ho difisiensia sira, no kontinua halo advokasia iha 30 mak partenente iha Munisipiu Covalima.
CCC sujere ba instituisaun relevante sira atu kontinua esforsu ho servisu nebe iha hodi tau matan ba maluk ho difisiensia sira, nune sira bele hetan asesu iha sira nia komunidade ho livre no hetan mellora inkluzaun ba asesu dignu nudar ema ho kondisaun difisiensia.
Reportajen Ekipa RCCT
