Covalima (RCCT) 30-05-25-Wainhira joventude ransu sala no mete ba sexu livre maka bele hamate rasik sira nia futuru no haterus inan ho aman.
Prezidente Institutu Nasional Komabate HIV/SIDA. Institutu Publiku (INC-HIV/SIDA,I.P). Timor-Leste, Daniel Marçal, hatete joven hanesan futuru nasaun nian tanba ne’e tenki hadok an husi ransu livre tanba maioria kazu HIV/Sida maioria afeta ba ema ho idade produtivu.
“Sexu livre nia konsekuensia maka kona HIV, alin feto sira sei minoria kaben lalais, isin rua lalais, depois sai inan no aman, estraga bebe no haterus inan-aman ne’ebé investe barak ona ba oan sira nia futuru, maibe problema maka oan sira hakarak sexu livre hodi hamate rasik sira nia futuru ba eskola” Prezidente Institutu Nasional Komabate HIV/SIDA. I.P, Daniel Marçal, informa ba jornalista sira hafoin remata sosializa informasaun moras HIV/Sida nia ba komunidade sira iha Suku Thasilin, Postu Administrativu Zumalai, Kinta (29/05).
Daniel Marçal, fundamenta katak joven hatur an halo sexu livre bele fo impaktu ba sira nia saude no mos afeta ba ema seluk iha aldeia no suku ida ne’ebé sira hela ba.
“Sexu livre ne’e la’os dehan fato kalan ka mane kalan, maibe joven sira ita haree normalmente, di’ak hela maibe sira mos kontribui ba iha sexu livre tanba sira troka sexu livre ne’e halo bebeik, ne’e impaktu ba sira nia saude, impaktu mos ba aldeia ida ne’e, suku ida ne’e no postu ida ne’e, se alin feto ka mane sira matenek maibe sira kaben lalais tiha sira nia edukasaun seidauk atinje kaben tiha iha klaran, seidauk iha sertifikadu ba sira nia futuru ne’e la di’ak entaun ba dezenvolvimentu ladi’ak tanba ema matenek laiha ona” nia esplika.
Tanba ne’e Prezidente Institutu Nasional Komabate HIV/SIDA. I.P. Timor-Leste Daniel Marcal, husu ba foinsa’e sira atu kuidadu Saude hod didi’ak, hanoin ba estuda, no bandu halo sexu livre hodi hamate sira nia futuru rasik.
Jornalista : Julio Salinas
Editor : Chamot Nahac
