COVALIMA-(RCCT) 31-10-23—Relasiona ho kazu foin lalais akontese iha Aldeia Sadahur, Suku Maudemo, Postu Administrativu Tilomar rezulta Joven Mane ida mate ida ne’e Organizasaun Arte Marsial (OAM) maibe involemetu pesoal ema nian.
Tuir Komandante Polisia Nasional Timor Leste (PNTL) Munisipiu Covalima Superientendente Polisia, Calisto Gonzaga, konfirma katak ho akontesimentu ida foin lalais iha Postu Tilomar rezulta ema ida mate ne’e labele dehan organizasaun ho organizasaun, maibe tuir prespetiva, ne’e involvimentu pesoal, tanba laiha organizasaun ida atu hanorin ba nia membru atu sai at, maibe hanorin ema atu sai di’ak.
“Hakarak atu hatete ba kolega sira hotu katak foin lalais akontesimentu ida iha Postu Tilomar parese ita hotu akompaña, ha’u labele dehan ne’e husi organizasaun ho organizasaun, ha’u ema ida ne’ebé mak haree prespetiva involvimentu pesoal, tanba sa mak ha’u sempre dehan beibeik laiha organizasaun ida ne’ebé mak fo nia doutrinasaun ba nia emar sira para atu ba ataka malu, para atu ba oho malu, insulta malu ne’e lae, kazu sira ne’e akontese tanba problema desentendimentu la rona malu husi pesoal sira ladun iha koñesimentu husi ita nia membru sira nune’e mai fali ho alkoliku ita hemu tua, ita iha pasadu la gosta malu parese ida ne’e bele akontese situasaun balu ita labele espera, ne’e mai husi forsa mayor ida ne’ebé ita hakotu ema seluk nia vida” derklara Komandante Polisia Nasional Timor Leste (PNTL) Munisipiu Covalima Superientendente Polisia, Calisto Gonzaga hafoin halo enkontru kordenasaun entre PNTL, KRAM no organizasaun arte marsiais sira iha Koamando PNTL Covalima Tersa ne’e.
Komandante haktuir kazu ida ne’e iha ona tribunal, komete ba krime ida ne’e mai husi ema nia maneira rasik hodi hakotu ema seluk nia vida, tan ne’e ema ne’ebé komete krime ne’e kumpri ona prizaun preventiva.
“Kazu ne’ebé iha Postu Administrativu Tilomar tama ona iha parte juridiku nian iha tribunal Distrital Suai, ema ne’ebé ho ninia maneira rasik, ho ninia liman rasik, ida ne’e tama ona iha prizaun preventiva ne’e hanesan medida koasaun husi autoridade juridisiaria para atu bele fasil, atu bele suporta apoiu ba nia prosesu delijensia tuir mai” Komandante PBTL Covalima dehan.
Enkuantu antes ne’e kazu omesidu akontese iha Aldeia Sadahur, Suku Maudemo, Postu Administrativu Tilomar. PNTL Covalima detein ona ema na’in rua ho inisial JC no APC ne’ebé iha ligasaun ho kazu omesidu ne’e hodi detein iha sela Komando Covalima durante oras 72 hodi hein andamentu ba tribunal liu husi Ministeriu publiku.
Iha kazu omesidu ne’e rezulta vitima Rui Amaral Lopes termina nia pregrinasaun mosris, vitima nudar estudante finalista iha Eskola Secundaria Geral Publiku Suai ne’ebé foin remata ninia ezama nasional no lokal iha sabado loron 21 foin lalais, maibe konsege simu rezulta Rui fila sedu ba aman maromak nia kadunan santo.
Editor : Chamot nahac
