Covalima (RCCT) 21-04-25-iha inisiu fulan Abril tinan ida ne’e, Bisikleta Eletrika sirkula barak iha Munisipiu Covalima, Timor-Leste, barak tama mai husi Malaka no Belu NTT, Indonezia ne’ebé hakur liu husi Fronteira Postu Integradu Salele hodi kontribui reseitas ba kofre estadu.
Diretór Alfandega Munisipiu Covalima Nuno Nogueira, hatete komunidade sira sosa bisikleta eletrika husi Betun no Atambua, NTT Indonesia hatama mai Timor Leste hodi selu taxa ba governu, maibe nia mos husu bai nan aman sira atu toma atensaun tanba iha parte ida fo mos risku bo’ot ba ema nia vida wainhira be kona batria bele hamosu sirkuita nune’e bele soke labarik ka ema sira ne’ebé uza.
“Komesa iha fulan Abril nia laran ne’e bisikleta eletrisidade ka (sepeda listrik) ne’e tama husi Indonezia mai barak inan no aman sira sosa ba oan sira sa’e halimar, maibe nafatin fo hanoin ba inan no aman sira atu kuidadu tanba nia (bisikleta) iha sirkuit ka hanesan bee kona ba batria bele afeta ka soke labarik, ne’ebé presija tenke toma atensaun ba ida ne’e” informa Diretor Alfandega Munisipiu Covalima Nuno Nogueira, ba RCCT iha nia knar fatin Postu Integradu Salele Kuarta (16/04)..
“Nafatin aviza ba inan no aman sira atu kuidadu tanba nia iha sirkuit ka nia uza batria, bee kona ne’e bele afeita ka soke labarik sira ne’ebé presija tenke toma atensaun ba ida ne’e bainhira bee kona labele haruka labarik sira sa’e halimar” nia dehan.
Diretór Alfandega Munisipiu Covalima Nuno Nogueira, nafatin fo hanoin ba inan aman sira tanba tanba akontese ona iha Indonesia, mosu srikuita iha batria bisikleta eletrika no korente ahi soke mate kedas labarik ida iha bisikleta leten.
Jornalista : Julio Salinas
Editor : Chamot Nahac
